What are the benefits of besan : बेसनपासून अनेक चविष्ट पदार्थ तयार केले जातात. बेसनापासून तयार केलेले ढोकळे, भजी, झुनका या सारखे चविष्ट पदार्थांचा तुम्ही नक्कीच आस्वाद घेतला असेल. बेसनाची मिठाई तर तोंडात पाणी आणते. पण तुम्हाला माहितीये का? चव वाढवण्यासह बेसन आरोग्यासाठीदेखील फायदेशीर आहे. बेसनातील आयरन, फायबर, पोटॅशियम आणि इतर पोषक तत्व हे शरीर निरोगी ठेवण्यासाठी उपयुक्त आहेत. बेसनाचे आरोग्यदायी फायदे कोणते? याबाबत जाणून घेऊया. १) रक्ताची गरज पूर्ण करते बेसनामध्ये शरीरासाठी उपयुक्त पौष्टीक तत्व असतात. बेसनात पुरेशा प्रमाणात लोह असते. बेसनाच्या सेवनाने रक्ताचे प्रमाण वाढवण्यात मदत होऊ शकते. जर तुम्हाला अ‍ॅनिमिया असेल तर बेसनाचे सेवन फायदेशीर ठरू शकते. दैनंदिन आहारात बेसानाचा समावेश केल्यास शरीरातील लोहची कमतरता भरून येण्यात मदत होऊ शकते. (Heart fail कधी होणार? या बाबत काही आठवड्यांपूर्वीच कळणार! ‘या’ तंत्रज्ञानाची जगात चर्चा, असे करते काम) २) उच्च रक्तदाब नियंत्रणात आणू शकते बेसनात मोठ्या प्रमाणात मॅग्नेशियम असते, ते रक्तदाब नियंत्रणात ठेवण्यात मदत करते. ज्या लोकांना रक्तदाबाची समस्या आहे ते दैनंदिन आहारात बेसनाचा समावेश करू शकतात. ३) हृदयासाठी लाभदायी बेसन हृदयाच्या आरोग्यासाठी फायदेशीर मानले जाते. बेसनात विरघळणारे फायबर असते जे हृदयासाठी फायदेशीर असते. बेसनाच्या सेवनाने हृदयविकाराचा धोका टाळण्यास मदत होऊ शकते. (हाडं कडाकडा मोडतात? गुळाचे पाणी ‘या’ पद्धतीने प्यायल्यास ‘या’ ५ आजारात मिळू शकतात आश्चर्यकारक फायदे) ४) मधुमेहात उपयुक्त बेसनात ग्लायसेमिक इंडेक्स फार कमी असते ज्यामुळे ते मधुमेहाच्या रुग्णांसाठी उपयुक्त ठरते. ते रक्तातील इन्सुलीनचे प्रमाण कमी करते. मधुमेह असल्यास बेसनाची चपाती खाऊ शकता. ५) गरोदरपणात फायदेशीर गर्भवती महिलांसाठी बेसन फायदेशीर आहे. बेसनात फोलेट आणि 'जीवनसत्व क'चे प्रमाण अधिक असते जे गरोदरपणात आवश्यक असते. ६) वजन कमी करण्यात मदत करू शकते बेसन वजन कमी करण्यात मदत करू शकते. बेसनात कॅलरीचे प्रमाण फार कमी असते. वजन कमी करायचे असल्यास आहारात बेसनाचा समावेश केला पाहिजे. (येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)
