Fruits Eating Time: आपल्या सर्वांना माहीत आहे की तज्ज्ञ झोपण्यापूर्वी जड जेवण घेण्यास का नकार देतात. अपोलो स्पेक्ट्रा हॉस्पिटल, आहारतज्ज्ञ मुंबई, डॉ. जिनल पटेल यांनी सांगितले की, यामुळे शरीरातील चयापचय मंदावते, ज्यामुळे काही जुनाट आजार होतात. “झोपण्यापूर्वी कार्बोहायड्रेटयुक्त पदार्थांचे सेवन केल्यास शरीराला हे पचण्यास कठीण जाते; परिणामी तुमचे वजन वाढू शकते आणि ॲसिडिटीचा त्रासही होऊ शकतो. काहींना ओटीपोटात दुखणे, अस्वस्थता, सतत छातीत जळजळ होऊ शकते, ज्यामुळे शेवटी गॅस्ट्रोएसोफेजल रिफ्लक्स रोग (GERD) होतो,” असे ते म्हणाले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

डॉ. पटेल म्हणाले की, “जे रात्री उशिरा जेवतात त्यांना लठ्ठपणा, हृदयाच्या समस्या आणि मधुमेह होण्याची शक्यता असते. जंक फूड जास्त प्रमाणात खाणे, विशेषत: रात्री उशिरा, कोलेस्ट्रॉल आणि फॅटी डिपॉझिटमुळे रक्तवाहिन्या अरुंद आणि बंद होतात.”

आणखी वाचा

शारदा हॉस्पिटलच्या वरिष्ठ आहारतज्ज्ञ श्वेता जयस्वाल म्हणाल्या की, “झोपण्यापूर्वी हलकी फळे खाल्ल्याने झोपेच्या गुणवत्तेला हानी न पोहोचता रात्री उशिरापर्यंतची भूक कमी होण्यास मदत होते. फळांमध्ये नैसर्गिकरित्या कॅलरी कमी असतात. ते हायड्रेटिंगदेखील करत आहेत, जे एकंदर आरोग्यासाठी उपयुक्त आहे, जे त्यांना या प्रसंगासाठी अगदी योग्य बनवते.”

झोपण्यापूर्वी कोणती फळे खावी?

स्ट्रॉबेरी आणि ब्लूबेरी : यामध्ये साखरेचे प्रमाण कमी असते, अँटिऑक्सिडंट जास्त असतात आणि पचायला सोपे असतात.

चेरी : विशेषतः टार्ट चेरी, ज्यामध्ये मेलाटोनिन असते जे झोप सुधारण्यास मदत करू शकते.

किवी : व्हिटॅमिन सी आणि अँटिऑक्सिडंट्ससाठी ओळखले जाणारे, किवी चांगल्या झोपेला प्रोत्साहन देऊ शकते.

पीच आणि प्लम्स : दोन्ही कमी-कॅलरीचे पर्याय आहेत जे पोटाला जड न होता गोड खाण्याची इच्छा पूर्ण करतात.

हेही वाचा: दररोज भिजवलेले मूग खाणं आरोग्यासाठी घातक? मग तज्ज्ञ काय सांगतात…

रात्री झोपण्यापूर्वी कोणती फळे खाऊ नये?

केळी : शरीराचे तापमान आणि चयापचय वाढवू शकते, ज्यामुळे झोपेचा त्रास होऊ शकतो.

टरबूज : पाण्याचे प्रमाण जास्त आहे, ज्यामुळे रात्रीच्या वेळेस सतत बाथरूमला जावे लागू शकते.

लिंबूवर्गीय फळे : त्यांच्या आंबटपणामुळे छातीत जळजळ किंवा अपचन होऊ शकते.

सफरचंद आणि अननस : फायबर आणि ॲसिडिटीमुळे दोन्ही पचनसंस्थेला त्रास देऊ शकतात.