रोज ओट्स खाल्यामुळे खरेच वजन कमी होऊ शकते? ओट्स का आणि कसे खावेत; जाणून घ्या तज्ज्ञांकडून….

“ओट्समध्ये भरपूर फायबर असतात; जे बराच काळ पोट भरल्याची आणि तृप्ततेची भावना निर्माण करते. परिणामी भूक कमी होते आणि एकूण कॅलरीजचे सेवन कमी होते. वजन कमी करण्यासाठी प्रयत्न करणाऱ्या एखाद्या व्यक्तीसाठी हे फायदेशीर ठरू शकते. त्याचबरोबर ओट्समध्ये असलेले फायबर्स पचनक्रिया सुधारतात; परिणामी बद्धकोष्ठतेची समस्या टाळता येते,” असे शर्मा यांनी सांगितले.

आणखी वाचा

तुमची त्वचा तेलकट होण्यामागे मीठ, साखरसह ‘हे’ पदार्थ ठरतायत कारणीभूत; उपायांसाठी डॉक्टरांचा सल्ला वाचाच

तुम्हाला जीवनसत्वे बी समृद्ध आहाराची गरज का आहे?…

AC Side Effects: तुम्हीही दिवसभर एसीमध्ये बसता का? शरीरावर काय परिणाम होतो? वाचा…

डेडलिफ्टिंग करतेवेळी इअरफोन वापरणे धोक्याचे? वाचा तज्ज्ञांचे मत..

द ब्लफ’च्या शूटिंगदरम्यान आठवड्यातील सहा दिवस १२ तास काम करीत होती प्रियांका चौप्रा! शरीरावर काय होतो परिणाम; तज्ज्ञ काय सांगतात….

Masaba Gupta : मसाबा गुप्ताप्रमाणे कोमट पाण्यात बडीशेप, जिरे घालून पिणे फायदेशीर आहे का? वाचा गर्भवती महिलांसाठी आहारतज्ज्ञांनी दिलेला सल्ला…

केटो डाएटमध्ये वापरले जाणारे खाद्यतेल खरंच वजन कमी करण्यास मदत करू शकते का? जाणून घ्या आहारतज्ज्ञ काय सांगतात

सततच्या वेदनांमुळे थकवा का येतो? अभ्यासातून समोर आली माहिती

सकाळी भिजवलेले बदाम खातोस का? रोहित शर्माच्या विसरभोळेपणावर विराट कोहलीचा मजेशीर प्रश्न; भिजवलेले बदाम खाण्याचे आरोग्याला होतात ‘हे’ फायदे

शर्मा यांनी दिलेल्या माहितीनुसार, “ओट्समधील फायबर्स आणि कॉम्प्लेक्स कार्बोहायड्रेट्सचे हळूहळू पचन होते; ज्यामुळे रक्तप्रवाहात हळूहळू साखर सोडली जाते. एकंदरीत ओट्समुळे रक्तातील साखरेची पातळी कमी होत असल्याने रक्तातील साखरेमध्ये अचानक होणारी वाढ टाळता येते; ज्यामुळे मधुमेह नियंत्रित करण्यासाठी किंवा दिवसभर पुरेल इतकी ऊर्जा देणारा आहार म्हणून ओट्स उत्तम पर्याय ठरतो.

हेही वाचा – दूध, दही, बटर, पनीर खाऊन शरीर होतं लठ्ठ? तज्ज्ञांनी सांगितले किती प्रमाणात करावे सेवन?

ओट्सच्या जाड्या भरड्या पिठामधील फायबर्स घटकही कोलेस्ट्रॉलच्या पातळीवर सकारात्मक प्रभाव टाकतो. विशेषतः खराब कोलेस्ट्रॉलवर (LDL cholesterol) त्याचा जास्त प्रभाव पडतो. “ओट्स नियमित खाल्ल्यामुळे खराब कोलेस्ट्रॉलच्या पातळीत घट होते; ज्यामुळे हृदय व रक्तवाहिन्यांसंबंधी रोगांचा धोका कमी होतो. त्याव्यतिरिक्त ओट्समुळे रक्तदाब स्थिर ठेवण्यास मदत होते; जी बाब हृदयाच्या आरोग्यासाठी फायदेशीर ठरते. त्याचबरोबर उच्च रक्तदाब आणि संबंधित हृदय व रक्तवाहिन्यांसंबंधी गुंतागुंत होण्याचा धोका कमी होतो,” असे शर्मा यांनी सांगितले.

“हृदयाचे आरोग्य जपणे, वजन नियंत्रण यांसाठी ओट्सच्या सेवनाचा फायदा होतो. ओट्समधील फायबर्समुळे चांगल्या जीवाणूंची वाढ होऊन पचनक्रिया सुधारते आणि त्यामुळे आतड्यांचे आरोग्य चांगले राहते. त्यातून शरीरातील विषारी पदार्थ आणि कचरा काढून टाकण्यास मदत होते,” असे शर्मा यांनी स्पष्ट केले.

हेही वाचा – एका महिन्यासाठी मद्यपान सोडले तर शरीरावर काय परिणाम होईल? Dry January Challenge आरोग्यासाठी फायदेशीर ठरेल का?

ओट्स कसे खाल्ले, तर अधिक फायदेशीर ठरेल?

तुमच्या नियमित आहारात ओट्स (steel cut or rolled oats) समावेश करणे फायदेशीर ठरू शकते. “ओट्स फायबर्सनी समृद्ध आहे आणि त्यात झिंक, फोलेट व मॅग्नेशियम यांसारखे पोषक घटकदेखील असतात. कोलेस्ट्रॉल आणि रक्तातील साखरेची पातळी नियंत्रित करण्यास मदत करतात. तुम्ही फक्त ओट्सचा आस्वाद घेऊ शकता किंवा पौष्टिक मूल्य व चव दोन्ही वाढवण्यासाठी बदाम, बेरी किंवा फळांसह ओट्स खाऊ शकता,” असे पोषण व आरोग्य सल्लागार शीला कृष्णस्वामी यांनी द इंडियन एक्स्प्रेसला माहिती देताना सांगितले.

आहारतज्ज्ञ कृष्णस्वामी यांनी ओट्सचे पौष्टिक मूल्य वाढवण्याचा सल्ला दिला आहे. बदामासह ओट्स खाण्यामुळे आरोग्याला दुप्पट फायदा मिळू शकतो. कृष्णस्वामी सांगतात, “बदामामध्ये जीवनसत्त्व ई, मॅग्नेशियम, प्रथिने व झिंक यांसह १५ आवश्यक पोषक घटक असतात आणि मधुमेह व उच्च कोलेस्ट्रॉल यांसारखे आजार असणाऱ्या व्यक्तींसाठी ते विशेष फायदेशीर असतात.”

हेही वाचा – डाळिंब मधुमेह नियंत्रणात मदत करू शकते का? तुम्ही दररोज किती प्रमाणात सेवन केले पाहिजे?

ओट्सच्या खाण्याचे अनेक फायदे आहेत हे लक्षात घेऊन संतुलित आहारात त्याचा समावेश करणे आवश्यक आहे. “इतर पौष्टिक पदार्थांबरोबर ओट्स खाल्यामुळे जीवनसत्त्वे, खनिजे आणि चांगल्या आरोग्यासाठी आवश्यक असलेल्या इतर पोषक घटकांचे योग्य प्रमाणात सेवन केले जाईल हे सुनिश्चित होते,” असे शर्मा यांनी स्पष्ट केले.