इंटरनेटच्या जगात आणि किशोरवयीन मुलांच्या राज्यात लिंगभेद असतो का? दिसतो का? किशोरवयीन मुलामुलींचं त्याविषयी काय मत आहे हा माझ्यासाठी अतिशय कुतूहलाचा विषय राहिला आहे. कारण इंटरनेट माणसामाणसात जात, धर्म आणि लिंग भेद करत नसला तरी वापरणारे खऱ्या आयुष्यतले सगळे भेद, घेऊनच इंटरनेटच्या जगातही वावरतात. बायकांनी काही लिहिलं की त्यांना ट्रोल करणारे खऱ्या आयुष्यतही अनेकदा त्यांच्या आजूबाजूच्या बायकांना निरनिराळ्या पद्धतीने ट्रोल करतच असतात. जातीधर्माचा भेद मानणारे, श्रेष्ठत्वाच्या गर्व बाळगणारे, तसं उघड लिहिणारे खऱ्या आयुष्यतही तसेच असतात. काहीवेळा स्त्री पुरुष समानता सोशल मीडियावर मानणारे प्रत्यक्ष आयुष्यात घरगुती हिंसा करणारे आणि बायकांना कमी लेखणारे किंवा उपभोग्य वस्तू मानणारे असतात. मोठ्यांच्या जगात असे अनेक प्रकार सहज बघायला मिळतात. किशोरवयीन मुलांच्या ऑनलाईन जगात नेमकं काय सुरु आहे हे शोधण्याचा प्रयत्न केल्यावर मोठ्यांच्याच जगाचं प्रतिबिंब तिथेही बघायला मिळतंय. एकमेकांना जात, धर्म, पंथ यावरुन ट्रोल करणारे, मुलींना कमी लेखणारे, त्यांना उपभोग्य वस्तू मानणारे किशोरवयीन तरुण या जगात सहज सापडतात. हे सगळं न मानणारे मोठे जसे असतात तसेच हे सगळे न मानणारे किशोरवयीन ही आहेत. पण आपला एका सर्वसाधारण समज असतो की मुलांच्या जगात जाती-धर्म -स्त्री पुरुष असलं काही नाहीये..त्यांच्या मनातही ते येत नाही, इतके ते निरागस असतात. तर ही गोष्ट अगदी लहान मुलांच्या बाबतीत कदाचित खरी असू शकते, पण किशोरवयीन मुलामुलींच्या बाबतीत मात्र नाही. तिथे मोठ्यांच्या जगाची मोठी आणि गडद छाया मुलांच्या जगावर पडलेली आहे आणि ती काही चांगली गोष्ट नाही. मोठ्यांच्या जगाने ज्या अनेक चुका करुन ठेवल्या आहेत त्यातली ही एक फारच मोठी आणि चटकन सुधारणार नाही अशी चूक आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
