Hyperhidrosis म्हणजे काय? या आजारामुळे एसीसमोर बसल्यावरही खूप घाम का येत असतो? | what is hyperhidrosis that cause excessive sweating causes symptoms of this disease

Hyperhidrosis चा त्रास झाल्यावर शरीरावर काय परिणाम होतो जाणून घ्या..

हायपरहाइड्रोसिस (संग्रहित फोटो)

Hyperhidrosis: घाम येणे ही एक सामान्य शारीरिक प्रक्रिया आहे. आपल्या त्वचेमध्ये काही सूक्ष्मछिद्रे असतात. या छिद्रांद्वारे शरीरासाठी अपायकारक द्रव्ये घामाच्या स्वरुपातून बाहेर येत असतात. घाम येणे हे शरीररचनेवर अवलंबून असते. तसेच आसपासच्या वातावरणाचा शरीरावर परिणाम झाल्याने घाम येण्याचे प्रमाण कमी-जास्त होत असते. म्हणजेच वातावरणामध्ये उष्णता असताना जास्त घाम येतो, तसेच थंड वातावरण असताना फारसा घाम येत नाही. शरीराचे तापमान नियंत्रणामध्ये राहावे यासाठी घाम येत असतो. पण काहीजणांना एसीच्या समोर बसूनही घाम फुटत असतो. एसी असलेल्या थंड खोलीत बसूनही जर घाम येत असेल, तर त्या व्यक्तीला Hyperhidrosis चा त्रास आहे असे म्हटले जाते.

Hyperhidrosis म्हणजे काय?

गरजेपेक्षा जास्त घाम येण्याची स्थितीला ‘हायपरहाइड्रोसिस’ (Hyperhidrosis) असे म्हटले जाते. आपल्या शरीरातील घामाच्या विशिष्ट ग्रंथीद्वारे घाम बाहेर निघत असतो. आसपास कसे वातावरण आहे यावर घाम येण्याचे ठरत असते. पण हायपरहाइड्रोसिस आजाराचा सामना करत असलेल्या व्यक्तीच्या शरीरातील घामाच्या ग्रंथींमधून कारण नसतानाही घाम बाहेर पडत असतो. हा आजार असलेल्या व्यक्तीला एसीसमोर बसूनही प्रचंड घाम येऊ शकतो. एसीच नाही, तर स्विमिंग पूलमध्येही तो घामाने भिजू शकतो.

आणखी वाचा

Can 30 grams of protein within 30 minutes of waking help regulate cortisol and balance hormones

सकाळी उठल्यानंतर ३० मिनिटांत ३० ग्रॅम प्रथिने खाल्ल्याने कॉर्टिसोलचे नियमन आणि हार्मोन्स संतुलन होईल का? तज्ज्ञांनी केला खुलासा

Nana Patole : निकालाआधी राजकीय घडामोडींना वेग; यातच…

woman overcomes rare disorder of painful meningioma

वेदनादायी मेनिन्जिओमाच्या दुर्मीळ विकारावर महिलेची मात!

attention deficit hyperactivity disorder

उनाड मुलेच नव्हे, तर प्रौढांमध्येही जगभर वाढतेय अतिचंचलता? काय आहे ADHD? लक्षणे कोणती? आव्हाने कोणती?

Uran, air pollution Uran,temperature, humidity Uran,

हवा प्रदूषणाचा मुद्दा निवडणुकीतून गायब? उरणमधील वाढते हवा प्रदूषण, तापमान आणि आर्द्रतेचा नागरिकांच्या शरीरावर परिणाम

तुमच्या आहारातील हळद विषारी आहे का? संशोधनात हळदीत आढळून आली ‘या’ हानिकारक धातूची भेसळ

Advice from health experts due to the increase in diseases as the cold weather increases Pune print news

थंडीचा कडाका वाढताच आजारांमध्ये वाढ! बदलत्या हवामानाचा परिणाम; आरोग्यतज्ज्ञांचा सल्ला जाणून घ्या…

Hyperhidrosis आजाराची लक्षणे कोणती आहेत?

हात, पाय, काख, चेहरा अशा विविध अवयवांना प्रचंड प्रमाणात घाम येणे हे हायपरहाइड्रोसिसचे प्रमुख लक्षण आहे. शरीराच्या अंगांना विनाकारण घाम सुटणे ही या आजाराची प्राथमिक स्थिती आहे असे मानले जाते. सेकेंडरी हायपरहाइड्रोसिस असलेल्या व्यक्तीला संपूर्ण शरीराला घाम येत असतो. या परिस्थितीमध्ये त्रास वाढत जातो. त्यामुळे यावर लवकरात लवकर उपचार करणे आवश्यक असते.

आणखी वाचा – उन्हामुळे नेहमीपेक्षा जास्त घाम येतोय का? उन्हाळ्यातील हा त्रास कमी होण्यासाठी फॉलो करा ‘या’ ४ सोप्या टिप्स

Hyperhidrosis होण्यामागील कारणे

प्रायमरी हायपरहाइड्रोसिस हा अनुवांशिक असू शकतो. म्हणजे हा आजार एका पिढीकडून दुसऱ्या पिढीकडे जात असतो. सेकेंडरी हायपरहाइड्रोसिस ही स्थिती संभवण्याची अनेक कारणे आहेत. गरोदरपणामध्ये हा त्रास सुरु होऊ शकतो. याव्यतिरिक्त मधुमेह, थायरॉईड असंतुलन, रजोनिवृत्ती, लठ्ठपणा, संधिवात, हृदयरोग, श्वसन समस्या अशा काही आजारांमुळेही ही समस्या उद्भवते. काही वेळेस ताणतणाव वाढल्यानेही सेकेंडरी हायपरहाइड्रोसिस होऊ शकतो. कधीकधी हा त्रास विशिष्ट औषधांच्या सेवनामुळेही होऊ शकतो.

First published on: 25-04-2023 at 14:56 IST

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: What is hyperhidrosis that cause excessive sweating causes symptoms of this disease yps