Health Special: पिगमेंटेशन म्हणजे काय?

तर हे होते पिगमेंटेशन. तिथून आमचा पुढचा प्रवास सुरू झाला. हो, प्रवासच. कारण पिगमेंटेशन म्हणजे रुग्ण आणि डॉक्टरांच्या संयमाचा कस पाहणारा प्रश्न. परंतु  रीटाने  नेटाने  उपचार घेतले आणि तिचा मूळ रंग परत आला.

नक्की वाचा

Diwali Wishes 2024 : प्रियजनांना द्या दिवाळीच्या हार्दिक शुभेच्छा, पाहा एकापेक्षा एक हटके मराठी मेसेज

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

अवधूत गुप्तेने मुंबईत खरेदी केलं आलिशान घर! किंमत तब्बल ‘इतके’ कोटी, १६ व्या मजल्यावर आहे फ्लॅट

Ajit Pawar on RR Patil: ‘पैज हरल्यामुळं आर. आर. पाटलांना द्यावी लागली होती आलिशान गाडी’, अजित पवारांनी सांगितला किस्सा

Manoj Jarange Patil : मनोज जरांगे आता दिल्ली हादरवणार? मुस्लीम, बौद्ध धर्मगुरुंची साथ? रणनिती तयार, हिंदीचा अडथळाही दूर

IND vs NZ: वॉशिंग्टन सुंदरमुळे सुनील गावसकरांनी जेवताना फोडली प्लेट, रवी शास्त्रींनी कॉमेंट्री करताना सांगितलं नेमकं काय घडलं?

Raj Thackeray Speech : “काकांनी डोळे वटारले अन् लगेच…!” सकाळच्या शपथविधीवरून राज ठाकरेंचा अजित पवारांना चिमटा

Health Special: मुरुमांचे डाग आणि व्रण पूर्णपणे जातात का?

आणखी वाचा: Health Special: मुरुमांवरील उपचार

आज हा पिगमेंटेशनचा प्रश्न मोठाच गहन होऊन बसला आहे. आहे तरी काय हे पिगमेंटेशन? सोप्या शब्दात सांगायचे तर त्वचेचा रंग अधिक काळा पडणे म्हणजेच पिगमेंटेशन. तर वाचक हो, पिगमेंटेशन हा रोग नव्हे, तर अनेक रोगांचा किंवा  कारणांचा  अंतिम परिणाम आहे. आता आपण पिगमेंटेशनची कारणे आणि त्यावरील उपचार यांची माहिती घेऊ या.

सुरुवातीला आपण चेहऱ्यावरच लक्ष केंद्रित करू या. चेहऱ्यावरील काळ्या डागांची प्रमुख कारणे खालील प्रमाणे आहेत.
मुरुमे किंवा पिंपल्सचे डाग :  मोठमोठी मुरुमे , किंवा खोल आणि कोचलेली मुरुमे यांचे डाग पडतात. 
मेलॅज्मा : गरोदरपणात वाढलेल्या संप्रेरकांच्या परिणामाने स्त्रियांना गाल, कपाळ, नाक व ओठाच्यावर तपकिरी काळसर डाग पडतात. हे डाग नऊ महिन्यांपर्यंत वाढत जातात. परंतु डिलिव्हरी नंतर ते हळूहळू कमी होऊ लागतात. असे डाग  मेनापॉजच्या वेळेला देखील दिसू लागतात. कधी कधी पुरुषांमध्ये देखील असे डाग येतात. या डागांना खाज किंवा जळजळ होत नसते.
सूर्याच्या अतिनील किरणांमुळे  येणारी ॲलर्जी : ही त्वचेच्या उघड्या भागावर म्हणजे गाल, कपाळ, नाक व कान तसेच मान व गळ्याचा उघडा भाग आणि हात यावर दिसते. सुरुवातीला खाज येऊन लाल चट्टे पडतात. उन्हात गेल्यावर जळजळ होते. क्वचित पाणी येते. कालांतराने हे डाग सुकून काळे पडतात.
कॉन्टॅक्ट ॲलर्जीक डरमॅटायटीस : केमिकल्सच्या वापराने होणारी ॲलर्जी. प्रामुख्याने  हेअर डाय, सौंदर्यप्रसाधने, औषधी तेले आणि परफ्युम्स ही मुख्य कारणे असतात. चेहरा हा सर्वांच्याच जिव्हाळ्याचा विषय आहे. त्यामुळे ती नवनव्या गोष्टींची प्रयोगशाळा सुद्धा आहे.  त्यामुळे विविध सौंदर्यप्रसाधने, कोलगेट पेस्ट, लसूण इत्यादी घरगुती गोष्टी सहज वापरल्या जातात आणि त्याची ॲलर्जी होऊ शकते.

आणखी वाचा: Health Special: मुरुमांचे डाग आणि व्रण पूर्णपणे जातात का?

काही औषधे : पोटात घेतल्यावर ॲलर्जी किंवा पिगमेंटेशन होऊ शकते. मलेरियासाठी वापरले जाणारे क्लोरोक्वीन हे औषध त्यापैकीच. म्हणून उपचार करताना तुमच्या डॉक्टरांना सर्व गोष्टींची नीट माहिती द्या.
काही त्वचारोग : लायकेन प्लेनस आणि लायकेन प्लेनस पिगमेंटोजस या रोगांमध्ये सुरुवातीला लालसर खाजणारे चट्टे येऊन ते हळूहळू काळे पडू लागतात. केसांचे कलप किंवा हेअर डाय, व काही औषधी तेले यामुळे लायकेन प्लेनस पिगमेंटोजस हा रोग होऊ शकतो. यामध्ये चेहरा हळूहळू काळवंडत जातो.

पुढील लेखात पाहूया पिगमेंटेशन वरील उपचार. पिगमेंटेशन कमी करणारी असंख्य औषधे व सौंदर्यप्रसाधने बाजारात दररोज येत असतात व त्यावर उपचार करणारी सेंटर्स देखील. जोपर्यंत आपण पिगमेंटेशनचे मूळचे कारण शोधून काढत नाही आणि त्यावर उपचार करत नाही, तोपर्यंत ही औषधे किंवा उपचार हे वरवरचे ठरतात.