एकटं असताना हृदयविकाराचा झटका आल्यास काय करावे? डाॅक्टर काय सांगतात, जाणून घ्या…

डॉ. टी. एस. क्लेर सांगतात, हृदयविकाराचा झटका येण्याआधी रुग्णाला छातीत दडपण किंवा वेदना जाणवतात. काहींना छातीमध्ये जळजळ, दडपण, झिणझिण्या किंवा जडपणा वाटतो. त्यासोबतच वेदना खांदे, हात किंवा जबड्यापर्यंत पोहोचू शकतात. विशेषतः डावा खांदा आणि हात दुखणे हे हृदयविकाराच्या सुरुवातीच्या लक्षणांपैकी एक आहे. तुम्हाला मळमळ, थकवा, चिंता आणि जलद किंवा अनियमित हृदयाचे ठोके जाणवू शकतात. जर वारंवार अशी लक्षणे जाणवत असतील, तर घाबरू नका, आराम करा आणि तुमच्या जिभेखाली सॉर्बिट्रेट (५ ते १० मिग्रॅ) घ्या. जर तुम्हाला अस्वस्थतेपासून आराम मिळाला, तर तुम्हाला हृदयविकाराचा झटका येण्याची शक्यता कमी होऊ शकेल.

तुम्ही शक्य तितक्या लवकर कोणतीही मानक अ‍ॅस्पिरिन टॅबलेट (३०० मिग्रॅ.), क्लोपीडोग्रेल (३०० मिग्रॅ.) व अ‍ॅटोरवास्टॅटिन (८० मिग्रॅ.) घेऊ शकता आणि नंतर ईसीजीसाठी जवळच्या रुग्णालयात जाऊ शकता. जरी तुम्हाला हृदयविकाराचा त्रास होत नसला तरी या सर्व गोळ्या घेणे सुरक्षित आहे आणि आपत्कालीन परिस्थितीत त्यामुळे कोणतेही दुष्परिणाम होणार नाहीत. हृदयविकाराचा झटका येण्याची लक्षणे दिसू लागल्यानंतर ३० मिनिटांच्या आत अ‍ॅस्पिरिन चघळल्याने प्लेटलेट्स एकत्रीकरण रोखले जाते आणि रक्ताच्या गुठळ्या तयार होण्यास विलंब होतो.

हृदयविकाराचा झटका आल्यानंतर घाबरल्याने त्याचा शरीरावर वाईट परिणाम होऊ शकतो. अशा वेळी स्थिर राहण्यासाठी जमिनीवर स्वस्थपणे झोपून जावे आणि पायांच्या खाली उशी ठेवावी. असे करत असताना हळूहळू श्वास घ्यावा. उघडलेली खिडकी, पंखा, एसी यांच्यासमोर झोपणे अधिक फायदेशीर ठरू शकते. हा उपाय केल्याने हृदयापर्यंत योग्य प्रमाणात ऑक्सिजन पोहोचेल.

तुम्ही आटोक्यात आले की, तुम्हाला जवळच्या रुग्णालयात नेण्यासाठी रुग्णवाहिका सेवेला कॉल करा. तुमची लक्षणे सौम्य आणि सूक्ष्म असली तरीही याकडे दुर्लक्ष करू नका. काय चूक आहे हे ओळखण्यासाठी मूलभूत ईसीजी करा.

जर तुम्ही एकटे असाल आणि हृदयविकाराचा झटका आला आहे, असे तुम्हाला वाटत असेल, तर आजूबाजूला असलेल्या लोकांची मदत घ्या. मित्र-नातेवाईक जे तुमच्या जवळचे आहात, अशा लोकांना फोन करा. अशा वेळी रुग्णवाहिकेला फोन करणे योग्य ठरू शकते.