हिवाळ्यात गुडघेदुखीचा प्रचंड त्रास होतो. या ऋतूतील कमी तापमानामुळे गुडघेदुखीचा त्रास अचानक वाढू लागतो. गुडघेदुखीची अनेक कारणे असू शकतात, जसे की सांधेदुखी, शरीरात पोषक तत्वांची कमतरता, लठ्ठपणा वाढणे, शरीरात व्हिटॅमिन-सी, व्हिटॅमिन डी आणि कॅल्शियमची कमतरता,संधिवात, संधिरोग आणि संसर्गामुळे गुडघेदुखी होऊ शकते.
साधारणपणे ४० वर्षांनंतर लोकांना गुडघेदुखीची समस्या उद्भवते, परंतु आजकाल गुडघेदुखीचा त्रास लहान वयातही होऊ लागला आहे. कधी कधी दुखापतीमुळेही गुडघेदुखी होऊ शकते.
एम्सचे माजी सल्लागार आणि साओल हार्ट सेंटरचे संस्थापक आणि संचालक डॉ. बिमल झांजेर यांच्या मते, जर तुम्हालाही गुडघेदुखीचा त्रास होत असेल तर काही घरगुती उपाय करा. गुडघेदुखी दूर करण्यासाठी काही घरगुती उपाय प्रभावी ठरतात. गुडघेदुखीवर उपचार कसे करावे हे तज्ञांकडून जाणून घेऊया.
वेदना आणि सूज नियंत्रित करण्यासाठी सफरचंद व्हिनेगर वापरा
जर तुम्हाला गुडघेदुखीचा त्रास होत असेल तर सफरचंदाचा व्हिनेगर घ्या. ऍपल सायडर सूज कमी करते आणि वेदनापासून आराम देते. दिवसातून दोनदा दोन चमचे सफरचंद व्हिनेगरचे सेवन करा, गुडघेदुखीपासून आराम मिळेल.
तीळ तेल आणि लिंबाच्या रसाने वेदनांवर उपचार करा
गुडघेदुखीपासून सुटका मिळवण्यासाठी कढईत तिळाचे तेल घेऊन त्यात काही थेंब लिंबाचा रस टाका. हे तेल काही वेळ गॅसवर उकळवा आणि नंतर दुखीच्या भागावर लावा. तिळाचे तेल गुडघेदुखी आणि सूज दूर करेल. हेल्थलाइनच्या मते, तिळाच्या तेलातील दाहक-विरोधी गुणधर्म सूज कमी करू शकतात. तिळाच्या तेलाने मसाज केल्याने वेदना आणि सूज दूर होते.
( हे ही वाचा: खराब कोलेस्टेरॉल हृदयापर्यंत पोहोचताच येऊ शकतो हार्ट अटॅक; ‘हे’ ४ पदार्थ आतड्यांमधून कोलेस्ट्रॉल बाहेर काढून टाकतील)
मेथीचे दाण्याचे सेवन करा
मेथीच्या दाण्यांमध्ये आयर्न, कॅल्शियम, फॉस्फरस, अँटी-इंफ्लेमेटरी आणि अँटी-ऑक्सिडंट असे गुणधर्म असतात जे सांधेदुखीपासून आराम देण्यासाठी प्रभावी आहेत. मेथी दाणे चावून खाल्ल्यास याचा फायदा होतो. मेथी रात्रभर भिजत ठेवा आणि सकाळी खा.
लसूण आणि मोहरीच्या तेलाने मसाज केल्याने वेदनेपासून आराम मिळेल
गुडघेदुखीपासून सुटका मिळवण्यासाठी मोहरीच्या तेलात लसणाच्या पाकळ्या मिसळा आणि थोडा वेळ शिजवा. लसूण काळे पडल्यास तेल थंड करून गुडघ्यांवर लावल्याने वेदना कमी होतात.
