Tips to Avoid Dampness: पावसाळा सुरू झाला की घरांच्या भिंतीना ओल येते. या दिवसांमध्ये सूर्यप्रकाश खूपच कमी असतो, हवेतील आद्रता वाढते त्यामुळे कपडेही नीट सुकत नाहीत. दुसरीकडे, घराच्या आत ओलसरपणामुळे, वातावरणात दुर्गंधी पसरते आणि सर्वांची चिडचिड होते. अशा वातावरणामुळे नकारात्मकता पसरते, ज्यामुळे तेथे राहणारे सर्व लोक प्रभावित होतात. आज आम्ही तुम्हाला भिंतीची ओल टाळण्यासाठी काही घरगुती उपाय सांगणार आहोत, ज्याचा वापरून पावसाळ्याच्या दिवसात तुमच्या घरातील आर्द्रता कशी कमी करू शकता.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

भितींना ओल नये म्हणून उपाय

कॉफी

आणखी वाचा

या पावसाळ्याच्या दिवसात ओलसरपणा आणि ओलसरपणामुळे कपड्यांमध्ये ओलावा राहतो. त्यामुळे कपडे व्यवस्थित सुकत नाहीत आणि त्यांना दुर्गंधी येऊ लागते. हे टाळण्यासाठी कपड्याच्या कपाटात कॉफी एका छोट्या भांड्यात ठेवा. असे केल्याने हळूहळू दुर्गंधी कमी होते असे म्हणतात.

कापूर लावा
पावसाळ्यात बेडरुममध्ये आद्रता वाढल्याने दुर्गंधीची समस्या देखील वाढतात. यापासून बचाव करण्यासाठी एका दिव्यात कापूर लावा आणि काही वेळ बेडरूममध्ये ठेवा. कापूरचा वास खोलीतील वाईट वास आणि नकारात्मक ऊर्जा दोन्ही हळूहळू दूर करतो. यासाठी भीमसेनी कापूर वापरणे अधिक फायदेशीर ठरते.

हेही वाचा – पावसामध्ये तुमचा Smartphone सुरक्षित कसा ठेवावा? जाणून घ्या सोप्या Safety Tips

अंधाऱ्या खोलीतील वास कसा घालवावा

हायड्रोजन पेरॉक्साईड
छतावरील पावसाच्या पाण्याचा निचरा होण्यात अडथळे आल्यास भिंतीना ओल येऊ शकते. त्यासाठी बादलीभर पाण्यात हायड्रोजन पेरॉक्साईड मिसळा आणि घराच्या अंधाऱ्या खोलीत आणि कोपऱ्यात फवारणी करा. या उपायाने अंधाऱ्या खोलीतील ओलसरपणा आणि दुर्गंधी दूर होते.

बेकिंग सोडा आणि व्हिनेगर
ओलसरपणामुळे येणाऱ्या विचित्र वासापासून मुक्त होण्यासाठी बेकिंग सोडा आणि व्हिनेगर मिक्स करून मिश्रण तयार करा. त्यानंतर ते मिश्रण बाटलीत भरून ओलसर ठिकाणी शिंपडा. असे केल्याने काही वेळात तो वास निघून जाईल.

हेही वाचा- पावसाळ्यात शूज-चप्पल भिजण्याचे टेंन्शन आता विसरा, सुकवण्यासाठी फक्त ‘हे’ ५ हॅक्स वापरा!

घरगुती नैसर्गिक फ्रेशनर

पावसाळ्यात हवेत वाढणाऱ्या आद्रतेपासून वाचण्यासाठी गुलाबपाणी आणि पाण्यात लेमन ग्रास आणि लॅव्हेंडर तेल मिसळा आणि बाटलीत भरा. या प्रकारचे पाणी नैसर्गिक फ्रेशनर म्हणून काम करते. दुर्गंधीपासून मुक्त होण्यासाठी या प्रकारचे पाणी फवारणे उपयोगी ठरू शकते.