Huawei ची सबब्रँड कंपनी ऑनरने Honor 10 Lite हा स्मार्टफोन आज भारतात लाँच केला. 4GB आणि 6GB रॅम अशा दोन व्हेरिअंटमध्ये हा स्मार्टफोन लाँच करण्यात आला आहे. 4GB रॅम आणि 64GB स्टोरेज असलेल्या Honor 10 Lite ची किंमत 13 हजार 999 रुपये ठेवण्यात आली आहे. तर, 6GB रॅम आणि 64GB स्टोरेजच्या स्मार्टफोनची किंमत 17 हजार 999 रुपये आहे.
20 जानेवारी 2019 च्या रात्री 12 वाजता सेल सुरू –
या फोनची विक्री फ्लिपकार्टवरून एक्सक्लूसिव्ह होणार असल्याची माहिती कंपनीने दिली आहे. याशिवाय Honor India चं अधिकृत संकेतस्थळ hihonor.in वरही हा स्मार्टफोन विक्रीसाठी उपलब्ध असेल. 20 जानेवारीला रात्री 12 वाजेपासून या फोनचा सेल सुरू होईल. ऑनरच्या या फोनची वैशिष्ट्ये म्हणजे यात 24 मेगापिक्सलचा एवन सेल्फी कॅमेरा आहे. ड्युअल रिअर कॅमेरा असून पहिला 13 मेगापिक्सलचा तर दुसरा 2 मेगापिक्सलचा कॅमेरा देण्यात आला आहे. सफायर ब्ल्यू, स्काय ब्ल्यू आणि मिडनाइट ब्लॅक कलरमध्ये हा फोन उपलब्ध आहे.
या स्मार्टफोनमध्ये 6.21 इंचाचा फुल एचडी डिस्प्ले आणि 2340×1080 पिक्सलचा रिझोल्यूशन आहे. ड्युड्रॉप डिस्प्ले आणि हायसीलिकॉन किरिन 710 प्रोसेसर असलेल्या या स्मार्टफोनमध्ये 3400mAh क्षमतेची बॅटरी देण्यात आली आहे.
