हळुहळु वाढणाऱ्या थंडीमुळे हिवाळ्याला सुरूवात झाल्याचे जाणवत आहे. हिवाळ्यात बदलणाऱ्या वातावरणामुळे सर्दी, खोकला असे आजार बळावतात. नेहमी असणारे प्रदूषण, त्यात हिवाळ्यात पडणारे धुके, वातावरणात होणारे बदल यांमुळे श्वसनाचे आजार असणाऱ्या व्यक्तींना अधिक त्रास होतो. त्यामुळे त्यांना या दिवसात आरोग्याची विशेष काळजी घेण्याचा सल्ला दिला जातो. हिवाळ्यामध्ये होणाऱ्या आजारांपासून वाचण्यासाठी काही फळं मदत करतात, कोणती आहेत ती फळं जाणून घ्या. संत्रीहिवाळ्यात शरीराला 'विटामिन सी' ची गरज भासते कारण यामुळे सतत होणाऱ्या सर्दीपासून सुटका मिळवण्यास मदत होते. संत्र्यामध्ये 'विटामिन सी' भरपूर प्रमाणात आढळते. तसेच यामध्ये फोलेट, पोटॅशिअमचेही उत्तम स्रोत मानले जाते. त्यामुळे हिवाळ्यात सतत होणाऱ्या सर्दीपासून वाचण्यासाठी डाएटमध्ये संत्र्यांचा समावेश करणे फायदेशीर ठरेल. आवळाआवळा शरीरातील रोगप्रतिकारशक्ती वाढवण्यास मदत करते. तसेच यामध्ये भरपूर प्रमाणात अँटिऑक्सिडंट आढळतात ज्यामुळे डोळे, केस, त्वचा यांमधील कोरडेपणा कमी होण्यास मदत मिळते. आणखी वाचा : वजन कमी करण्यासाठी ‘हे’ पदार्थ करतात मदत; लगेच करा रोजच्या जेवणात समावेश काळी द्राक्षकाळ्या द्राक्षांमध्ये देखील 'विटामिन सी' भरपूर प्रमाणात आढळते आणि हिवाळ्यात काळी द्राक्ष सगळीकडे उपलब्ध होतात. त्यामुळे यांचा डाएटमध्ये समावेश करणे फायदेशीर ठरेल. गाजरगाजर देखील हिवाळ्यात सगळीकडे मोठ्या प्रमाणात उपलब्ध होते. हे डोळ्यांच्या आरोग्यासाठी उपयुक्त मानले जाते. तसेच यामध्ये प्रोटीन, फायबर, कार्बोहायड्रेट्स अशी पोषकतत्वे आढळतात. (येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)