How to Clean Laptop Screen : लॅपटॉपवर अनेकजण तासन् तास काम करत असतात यामुळे लॅपटॉपवर मोठ्या प्रमाणात धुळ साचते. या धुळीमुळे लॅपटॉपच्या स्क्रिनवर डाग दिसून येतात. अशावेळी हे डाग पुसायचे कसे, हा प्रश्न निर्माण होतो. आज आम्ही तुम्हाला लॅपटॉप स्वच्छ करण्याच्या काही खास टिप्स सांगणार आहोत. चला तर जाणून घेऊ या.
१. जेव्हा तुम्हाला लॅपटॉप स्वच्छ करायचे असेल तेव्हा सुरुवातीला लॅपटॉप बंद करा. बॅटरी सु्द्धा बाजूला काढून ठेवा. त्यानंतर एक मायक्रोफायबर कापड घ्यावा आणि या कापडाने लॅपटॉपची स्क्रिन पुसावी. इतर कोणत्याही कापडाचा वापर करू नये आणि स्क्रिनवर स्क्रॅच पडण्याची शक्यता असते.
हेही वाचा : Shoes Smell : तुमच्या शूजमधून सतत दुर्गंध येतो का? या सोप्या टिप्स फॉलो करा ….
२. लॅपटॉपची स्क्रिन स्वच्छ करताना तुम्ही स्पंजचा सुद्धा वापर करू शकता पण लक्षात ठेवावे की स्पंज नवीन असावा. या स्पंजवर पाण्याचे काही थेंब टाकावे आणि स्क्रिन पुसावी. लॅपटॉपवर पाणी पडणार नाही, याची काळजी घ्यावी.
३. लॅपटॉप स्क्रिन साफ करताना सॉफ्ट डस्टरचाही उपयोग करावा. हे ब्रश छोट्या छोट्या असंख्य पॉलिस्टर फायबरपासून बनविले जातात. या ब्रशच्या मदतीने तुम्ही लॅपटॉप चांगल्याने स्वच्छ करू शकता.
हेही वाचा : कपडे धुताना रंग जातो का ? टेन्शन घेऊ नका, फक्त ‘या’ चुका करू नका
४. याशिवाय तुम्ही सुती कपड्याचा वापर करुनही लॅपटॉपची स्क्रिन स्वच्छ करू शकता. हा सुती कापड स्वच्छ आहे की नाही, हे तपासावे.
५. स्क्रिनशिवाय लॅपटॉपचे अन्य पार्ट्स स्वच्छ करण्यासाठी जुन्या टूथब्रशचा वापर करावा. टूथब्रशच्या मदतीने तुम्ही सर्व पार्टमधील धूळ स्वच्छ करू शकता.
(टीप : वरील लेख हा प्राप्त माहितीवर आधारित आहे)
