How to clean mirror : आरसा ही अशी वस्तू आहे की, जी प्रत्येकाच्या घरी असते. क्वचितच कोणी असेल की, ज्याच्या घरी आरसा नाही. घरातून बाहेर पडताना प्रत्येक व्यक्ती एकदा तरी आरशासमोर उभी राहते आणि स्वत:ला पाहते. आरशासमोर स्वत:चे रूप न्याहाळणे अनेकांना आवडते. आपण कसे दिसतोय, याची उत्सुकता प्रत्येकाला असते. त्यामुळे आरशाचा वापर प्रत्येक जण करतो.
अनेकदा घर स्वच्छ करताना आरसा स्वच्छ करायला मात्र आपण विसरून जातो.
बरेच दिवस आरसा स्वच्छ न केल्यामुळे आरशावर डाग पडतात. आरसा स्वच्छ करताना अनेक जण काही चुका करतात आणि त्यामुळे आरशावर आणखी डाग पडतात. धूसर आरसा कसा स्वच्छ कसा करायचा, हा प्रश्न तुम्हाला पडतो का? टेन्शन घेऊ नका. आज आम्ही तुम्हाला अगदी सोपा उपाय सांगणार आहोत.
तुम्ही बटाट्याच्या मदतीने आरसा स्वच्छ करू शकता. तुम्हाला वाटेल हे कसे शक्य आहे? पण, हे खरेय. सहसा बटाटा आपण खातो; पण बटाट्याचा वापर आरसा स्वच्छ करण्यासाठीसुद्धा केला जातो.
हेही वाचा : घरी कोथिंबीर कशी लावायची? जाणून घ्या लागवडीची ही सोपी पद्धत
फक्त एका बटाट्याने असा स्वच्छ करा आरसा
एक बटाटा घ्या. या बटाट्याला मधोमध कापून घ्या. बटाट्याचा पांढरा भाग खराब आरशावर घासा. नीट घासल्यानंतर आरसा पाण्याने स्वच्छ धुऊन घ्या. तुमचा आरसा नव्यासारखा चमकताना दिसेल. ही ट्रिक वापरून पाहा; मग तुम्हीही आश्चर्यचकित व्हाल.
Monika Kholiya या यूट्युब अकाउंटवरून असाच एक व्हिडीओ शेअर करण्यात आला आहे. या व्हिडीओमध्ये एक तरुणी बाथरूमचा आरसा बटाट्याने स्वच्छ करताना दिसत आहे. तीसुद्धा बटाट्याला मधोमध कापते आणि बटाट्याचा पांढरा भाग आरशावर घासते. आरसा पाण्याने स्वच्छ धुतल्यानंतर काही क्षणांतच तिचा आरसा चकचकीत दिसतो.
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “१०० टक्के काम करणारी ही ट्रिक आहे.” तर एका युजरने लिहिलेय, “जर बटाटा नसेल, तर तुम्ही खायचा नैसर्गिक चुनासुद्धा वापरू शकता.”
(टीप : वरील लेख हा प्राप्त माहितीवर आधारित आहे)
