Cooker and colgate jugaad: कुकरचा वापर घरोघरी केला जातो. रोजच्या वापरात असलेला हा कुकर आपण रोज स्वच्छ करतो; पण तरीही अनेकदा बाहेरून आणि आतून तो काळवंडू लागतो. नव्या कुकरची काळजी अगदी वापरण्यापासून ते धुण्यापर्यंत आपण घेत असतो. घड्याळावर चाललेल्या आपल्या या आयुष्यात जेवणाची कामे पटापट व्हावीत म्हणून अनेकदा कुकरचा वापर होत असूनही त्याच्या स्वच्छतेकडे नकळतपणे दुर्लक्ष होऊ लागते आणि त्याचा परिणाम म्हणजे काळवंडलेला कुकर.
कुकरमध्ये कोणताही पदार्थ आपण शिजवतो किंवा बनवतो तेव्हा काही केल्या त्याचे डाग जात नाहीत. नेहमीच आपण भांड्याच्या साबणाने कुकर साफ करायला जातो. तसेच या साबणाने कुकर जोरजोरात घासूनही त्याचे डाग काही केल्या जात नाहीत. काळवंडलेला हा कुकर दिसायलाही चांगला दिसत नाही आणि तो नीट स्वच्छही झालेला नसतो. याचा उपाय शोधण्यासाठी अनेकदा आपण महागडे प्रॉडक्ट्स वापरून बघतो; पण त्याचा काही केल्या फायदा होत नाही. पण, खरं तर तुम्ही घरच्या घरी यासाठी एक रामबाण उपाय करून पाहू शकता; ज्यामुळे तुमचा कुकर चकाकेल आणि सगळे काळपट डाग चुटकीसरशी गायब होतील. चला तर मग जाणून घेऊ हा उपाय नक्की आहे तरी काय…
कुकरचे डाग घालवण्यासाठी जबरदस्त जुगाड
कुकर घासण्याच्या आधी एका भांडी घासायच्या काथ्यावर कोलगेट आणि सोडा घ्या. त्यावर थोडेसे पाणी घेऊन, कुकर चांगला घासून घ्या. वाटल्यास अजून थोडे पाणी त्यात टाका आणि कुकरच्या आतल्या बाजूने स्वच्छ घासून घ्या. तशीच कुकरची बाहेरील बाजूदेखील स्वच्छ करून घ्या. त्यामुळे कुकरमध्ये असलेले काळे डाग निघून जातील आणि तुमचा कुकर अगदी नवाकोरा दिसेल.
हेही वाचा… लग्नासाठी कांजीवरम साडी विकत घेताय? मग थांबा! अस्सल साडी ओळखण्यासाठी ‘या’ सोप्या टिप्स लक्षात ठेवा
कुकरला स्वच्छ करताच क्षणी तुम्हाला जाणवेल की, कुकर अगदी चकाचक झालाय. याच उपायाने तुम्ही अ‍ॅल्युमिनियमचं कोणतंही भांडं स्वच्छ करू शकता आणि त्यावरचे डाग कायमचे घालवू शकता.
@PoonamKiRasoiandtips या यूट्यूब अकाउंटवरून हा व्हिडीओ पोस्ट करण्यात आला आहे. तुम्हीही हा उपाय नक्की करून पाहा.
