How to maintain silk saris: सिल्कच्या साड्या अंत्यत सुंदर, नाजूक आणि महागड्या असतात. अनेक महिला सिल्क साडी परिधान करण्याला पसंती देतात. या इतक्या सुंदर असतात की त्या पार्टी किंवा कार्यक्रमामध्ये वापरल्या जातात. पण सिल्क साड्यांची विशेष काळजी घ्यावी लागते जेणेकरून ती खराब होऊ नये. त्यांचा कापड, रंग, आणि डिझाईन इत्यादी फिके आणि खराब होऊ नये म्हणून महिलांना साड्यांची जास्त काळजी घ्यावी लागते. सिल्कच्या साड्या कशा ठेवाव्यात जेणेकरून त्या कशा धुतल्या पाहिजे आणि कशा हातळ्या पाहिजे हे सर्व तुम्ही येथे जाणून घेऊ शकता.
सिल्क साडी कशी हाताळावी, जाणून घ्या सोप्या टिप्स
१. स्लिक साडी कपाटात ठेवण्यापूर्वी धूवून घ्या. तुम्ही घातलेली सिल्क साडी कपाटात बंद करून ठेवली असेल तर तसे करू नका. यामुळे, तिची चमक कमी होईल आणि साडी लवकर खराब होऊ शकते. ते कपाटात ठेवण्याआधी ते पूर्णपणे धूणे अत्यंत आवश्यक आहे, जेणेकरून ती जास्त काळ चांगली राहील.
२. काही स्त्रिया कपाटात हँगर्सवर साड्या लटकवतात. कॉटन, जॉर्जेट आणि शिफॉनच्या साड्या तुम्ही नक्कीच लटकवू शकता, पण सिल्कच्या साड्या कपाटात जास्त वेळ लटकवणं टाळा. यामुळे साडी खराब होऊ शकतात. तुम्ही ते एक-दोन दिवस हँगरमध्ये लटकवा, पण लोखंडीऐवजी प्लास्टिकच्या हॅन्गरमध्ये लटकवा.
३. तुम्ही सिल्कची साडी नेसून पार्टीला गेला असाल तर घरी आल्यावर लगेच कपाटात ठेवू नका. घामामुळे, ओलाव्यामुळे साडी खराब होऊ शकते आणि डागही पडतात. प्रथम काही वेळ पंख्याखाली उघड्यावर ठेवा.
४. घरातील सिल्क साडी कधीही वॉशिंग मशीन किंवा साबणाने धूवू नका. ते नेहमी ड्राय क्लीन करून घ्या. यामुळे त्याचे फॅब्रिक, रंग, डिझाइन इ. खराब होणार नाही. शिवाय, ते बऱ्याच काळ नव्यासारखे दिसेल. चमक देखील कायम राहील.
५. सुरकुत्या टाळण्यासाठी, साडीच घडी घालताना नेहमी अॅसिड-फ्री टिश्यू पेपर ठेवा. नियमित टिश्यू पेपर वापरणे टाळा. कारण त्यात आम्ल असू शकते, ज्यामुळे फॅब्रिक खराब होऊ शकते.
६. प्लास्टिकच्या पिशव्यांमध्ये रेशमी साड्या कधीही ठेवू नका. यासाठी कापडापासून बनवलेली पिशवीच वापरावी. या साड्या तुम्ही कॉटनच्या पिशव्या आणि कव्हरमध्येही ठेवू शकता. प्लॅस्टिक पिशव्यांमध्ये ओलावा साचल्याने बुरशी येऊ शकते. यामुळे तुमची महागडी सिल्क साडी खराब होऊ शकते.
७. त्यांना थेट सूर्यप्रकाशाच्या संपर्कात असलेल्या ठिकाणी ठेवण्याऐवजी, अंधाऱ्या आणि थंड ठिकाणी ठेवा. सूर्यप्रकाशाच्या संपर्का आल्यामुळे रंग फिकट होण्याची शक्यता वाढते. साड्यांची कपाटात ठेवताना वेळोवेळी बाजू फिरवत राहा, जेणेकरून कायमस्वरूमी घडी घातल्याच्या खुणा राहणार नाहीत.
हेही वाचा – हिवाळ्यात केस निरोगी अन् चमकदार राहण्यासाठी टाळा फक्त ‘या’ लहान चुका; काय करावे अन् काय करू नये, टिप्स पाहा
८. कपाटात ठेवलेल्या तुमच्या सिल्क साड्यांना बुरशी आणि किडे येऊ नयेत असे वाटत असेल तर साडीच्या मध्यभागी कडुनिंबाची पाने आणि देवदाराचे गोळे ठेवू शकता. सिल्क साड्यांमध्ये नॅप्थालीनचे गोळे (मॉथबॉल) ठेवू नका, कारण त्यात हानिकारक रसायने असतात.
९. महागड्या सिल्क साड्या नेहमी व्यावसायिकांकडून स्वच्छ करा. जर तुम्ही ड्राय क्लीनिंग करत असाल, तर ते एखाद्या चांगल्या ठिकाणाहून करा ज्याला नाजूक कापड व्यवस्थित कसे हाताळायचे हे माहित आहे.
१०. जर एक लहान डाग काढण्यासाठी साडी धुण्याची आवश्यकता असेल तर फक्त सौम्य डिटर्जंट वापरा जो खास मऊ, नाजूक कापडांसाठी बनवला जातो. थंड पाण्यात हलक्या हाताने साडी बुडवा आणि ती पिळणे टाळा.
