तुम्हाला दाक्षिणात्य खाद्यपदार्थ खायला आवडतात का? विशेषत: मेदू वडा, मग ही माहिती तुमच्यासाठी महत्त्वाची आहे. खोबऱ्याची चटणी किंवा सांबरसह मेदू वडा खाण्याची मज्जा काही वेगळीच आहे. मेदू वडा खायला आवडतं असेल तर या लेखात आम्ही तुम्हाला मेदू वडा तयार करण्याची सोपी ट्रिक सांगणार आहोत ज्यामुळे तुम्ही परफेक्ट मेदुवडा तयार करू शकता.
चविष्ट खादयपदार्थ खाणे सोपे असते पण ते तयार करणे तितकेच अवघड असते. मेदूवडा तयार करणे देखील तसे थोडे अवघड आहे आहे विशेषत: नव्याने स्वयंपाक शिकाणाऱ्यांसाठी. मेदूवड्याचे पीठ तयार करणे तसे सोपे आहे पण, तेलात मेदूवडा टाकताना त्याला हवा जसा आकार देता येत नाही. मेदूवडा हा गोलाकार असतो आणि त्याला मध्ये एक छिद्र असते. हातावर असे वडा तयार करणे जरा किचकट काम आहे, काहींना ते जमते पण काहींना मात्र जमत नाही. काहीजण मेदू वडा तयार करण्यासाठी यंत्र वापरतात ज्यात पिठ टाकले जाते आणि तेलात वडा सोडला जातो. हे यंत्र वापरून परफेक्ट मेदू वडा तयार करता येतो. पण तुमच्याकडे असे कोणतेही यंत्र नसेल आणि तुम्हाला हातानेही मेदूवडा तयार करता येत नसेल तर काळजी करू नका आम्ही तुम्हाला सोपी ट्रिक सांगणार आहोत ज्याच्या मदतीन तुम्ही झटपट मेदूवडा तयार करू शकता तेही परफेक्ट आकाराचा.
हेही वाचा – घरात तंदूर नाही? मग प्रेशर कुकरमध्ये बनवा ढाबा स्टाईल तंदुरी रोटी, जाणून घ्या जुगाड
चहाची गाळण वापरून तयार करा मेदू वडा
- चहाची गाळण वापरून तुम्ही परफेक्ट मेदूवडा तयार करू शकता. ऐकायला विचित्र वाटेल पण ही ट्रिक एकदा वापरून पाहा.
- चहाची गाळण घ्या आणि ती उलटी पकडा.
- आता उलट्या गाळणीच्या जाळीवर तयार मेदूवड्याचे पीठ लावा.
- पिठाच्या मधोमध एक छिद्र करा.
- गाळण सरळ करून हलकेच वडा गरम गरम तेलात सोडा.
- तुमचा परेफक्ट आकाराचा मेदू वडा तयार आहे.
हेही वाचा – अंडा तवा मसाला: झणझणीत अन् मसालेदार रेसिपी, एकदा खाऊन पाहा
सोशल मीडियावर या ट्रिकचा व्हिडीओ व्हायरल होत आहे. इंस्टाग्रामवर seemassmartkitchen नावाच्या अकांउटवर हा व्हिडीओ पोस्ट करण्यात आला आहे. तुम्ही ही ट्रिक स्वत: वापरून पाहू शकता.
