शरीरावर खूप तीळ आहेत पण तुम्हाला ते आवडत नाही? मग ते हटवण्यासाठी सोपे घरगुती उपाय करुन पाहा

नारळाचे तेल

तीळ हटवण्यासाठी तुम्ही शरीरावर जिथे तीळ आहे तिथे नारळाचे तेल लावू शकता. हा उपाय नियमित केल्यास तीळ फिकट होऊन लागतो आणि हळू हळू नाहिसा होतो. तीळ हटवण्यासाठी हा उपाय हळू हळू काम करतो पण याचे कोणतेही दुष्परिणाम नाही.

बेकिंग सोडा आणि एंरडेल तेल

चेहऱ्यावरील नको असलेले तीळ काढून टाकण्यासाठी बेकिंग सोडा आणि एरंडेल तेल वापरू शकता. एक चमचा एंरडेल तेलामध्ये एक चमचा बेकिंग सोडा टाकून मिश्रण तयार करा आणि ते शरीरावर जिथे तीळ आहे तिथे लावा. रात्रभर तसेच पाहू द्या. सकाळी ते साफ करा. हा उपाय काही दिवस नियमित करा. तीळ नाहीसा होईल.

हेही वाचा – डाळ शिजवताना कुकरच्या शिट्टीतून पाणी बाहेर येते? जाणून घ्या कुकर साफ करण्याचा सोपा जुगाड

लसून

नको असलेले तीळ हटवण्यासाठी लसून देखील चांगला उपाय ठरू शकतो. लसूनच्या काही कुड्या चांगल्या प्रकारे वाटून घ्या. ही पेस्ट तीळ असलेल्या ठिकाणी लावून पट्टीने बांधा. रात्र भर तसेच राहू द्या. सकाळी ते साफ करा

बटाटा

नको असलेले तीळपासून सुटका मिळवण्यासाठी बटाटा उपयोगी ठरू शकतो. बटाट्यामध्ये ब्लीच करण्याचे गुणधर्म असतात ज्यामध्ये तीळ नाहीसा होऊ लागतात. बटाट्याच्या चकत्या करता आणि ते तीळ असलेल्या ठिकाणी चोळा. काही दिवस हा उपाय केल्यानंतर तीळ पूर्णपण निघून जाईल.

हेही वाचा – व्हायरलपासून वाचण्यासाठी व्हिटॅमिन सी शिवाय ‘हे’ पोषक तत्वदेखील आहेत आवश्यक

मध

मधदेखील तील घालवण्यासाठी उपयूक्त ठरू शकते. एक चमचा मधामध्ये हळद टाकून १५ मिनिटे शरीरावरील तील असलेल्या ठिकाणी लावा. त्यानंतर कोमट पाण्यान साफ करा.