पावसाळ्यात जवळपास प्रत्येक घरात ओलसरपणाची समस्या उद्धवते. कुठे कपडे सुकत नाही तर? कुठे भिंतीला ओल धरते, यात कुठे अनेकांच्या घरात पावसामुळे पत्र्यातून गळती सुरु होते. यात सर्वात भयंकर समस्या म्हणजे अंथरुणातून येणारा कुबट उग्र वास. हा वास इतका भयंकर असतो की, घरात स्वच्छता असली तरी तो येत राहतो. पावसात विशेषतः अंथरुणातील उशी- गाद्या ओलसर होता असल्याने त्यातील कापूस भिजून दुर्गंधी येऊ लागते. या दुर्गंधीमुळे रात्री आराम झोप लागत नाही, अशावेळी यापासून सुटका करण्याचे काही घरगुती उपाय जाणून घेणे आवश्यक आहे.
अंथरुणापर्यंत ओलसरपणा कसा पोहोचतो?
जर तुमच्या घरातील भिंतीवर किंवा मजल्यावर ओलसरपणा असेल, तर गादीला वास येणे खूप सामान्य आहे. तसेच जर घरात वेंटिलेशनसाठी जागा नसेल तरीही ही समस्या निर्माण होते. अशा परिस्थितीत जर तुम्हालाही याचा त्रास होत असेल, यावेळी खाली दिलेल्या टिप्स फॉलो करा.
१) अंथरुण हवेत सुकवा
ओलसरपणामुळे अंथरुणातून कुबट वास येत असेल तर ही अंथरुण दिवसातील काही तास उघड्यावर सुकत ठेवा. जर ऊन असेल तर अंथरुण थोडा वेळ बाहेर ऊन्हात ठेवा. यामुळे अंथरुणातील कुबूट वास कमी होईल, जर काही दिवस तुम्ही हा उपाय केल्यास अंथरुणातील कुबूट वास कमी होईल.
२) अंथरुणावर व्हॅक्यूमचा वापर करा
गादी किंवा गोधड्यांवर ओलसरपणामुळे लवकर धुळीचा थर जमा होतो, त्यामुळे त्यातून अधिकच उग्र वास येऊ लागतो. यावेळी तुम्ही व्हॅक्यूम मशीनचा वापर करु शकता.
जर व्हॅक्यूम मशीन नसेल तर तुम्ही धूळ काढण्यासाठी पारंपारिक पद्धतीचा वापर करु शकता. यासाठी प्रथम गादीला एका दोरीवर ठेवा आणि आता पातळ काठीने गादीला धोपटा.
३) व्हिनेगरचा करा वापरा
अनेकजण स्वयंपाक घरात आणि साफसफाईसाठी व्हिनेगरचा वापर करतात. यामुळे गादीतील ओलसरपणा दूर करण्यासाठीही व्हिनेगर एक चांगला क्लिनिंग एजेंट मानला जातो. यासाठी एका स्प्रे बाटलीत व्हिनेगर भरून गादीच्या दोन्ही बाजूंवर नीट शिंपडा.
४) बेकिंग सोड्याचा करा वापर
व्हिनेगर फवारल्यानंतर गादीवर कोरडा बेकिंग सोडा शिंपडा. १० ते ३५ तास असेच ठेवा, यानंतर गादी नीट झटका. व्हॅक्यूम मशीनने हे काम खूप सोपे होते. मात्र हा उपाय करुनही तुम्ही गादीतील उग्र वास कमी करु शकता.
