Benefits Of Rice Water For The Face : त्वचा स्वच्छ,निरोगी ठेवण्यासाठी महागड्या उत्पादनांचा वापर करणे आवश्यक आहे ; असे आपल्यातील अनेकांना वाटते. यापैकी बहुतेक महागड्या आणि स्वस्त स्किनकेअर उत्पादनांमध्ये रसायने असतात आणि ही रसायने प्रत्येकाच्या त्वचेसाठी चांगल्या प्रकारे काम करू शकत नाही. त्यामुळे त्वचा निरोगी ठेवण्यासाठी ती नैसर्गिकरि ठेवणेही तितकेच आवश्यक आहे आणि नैसर्गिक चमक मिळविण्यासाठी, फक्त नैसर्गिक गोष्टी वापरणे गरजेचे आहे.

आजही अशा अनेक नैसर्गिक गोष्टी आहेत ज्यांच्या मदतीने तुमची त्वचा नैसर्गिक ठेवता येते, त्यापैकी एक म्हणजे तांदळाचे पाणी. जर तुम्ही तांदळाच्या पाण्याने चेहरा धुतला आणि त्याचा योग्य वापर केला तर ते एक प्रकारचे नैसर्गिक फेस वॉशसारखे तुमच्या चेहऱ्यासाठी काम करू शकते.

चेहऱ्यासाठी तांदळाचे पाणी (Rice water for face)

अनेक स्किन केअर कंपन्या तांदळाच्या पाण्यापासून त्यांची उत्पादने बनवण्याचा दावा करतात. कारण तांदळाच्या पाण्यात असे अनेक गुणधर्म आहेत जे त्वचेसाठी खूप फायदेशीर आहेत. म्हणून, महागड्या स्किनकेअर उत्पादनांचा वापर करण्याऐवजी, तुम्ही एकदा घरी तांदळाचे पाणी वापरून पहावे.

हेही वाचा

चेहऱ्यासाठी तांदळाच्या पाण्याचे फायदे (Benefits of rice water for the face)

जर तुमच्या चेहऱ्यावरील चमक आधीच उन्हामुळे किंवा उष्णतेमुळे किंवा कोणत्याही उत्पादनामुळे खराब झाली असेल, तर तुम्ही घरी तांदळाचे पाणी वापरून पाहावे, ज्यामुळे तुमच्या चेहऱ्याची चमक परत येईल आणि चेहऱ्याच्या त्वचेत कोरडेपणा, मुरुम इत्यादी समस्याही राहणार नाहीत.

तांदळाचे पाणी कसे तयार करावे (How to prepare rice water)

तांदळाचे पाणी तयार करणे खूप सोपे आहे. एक कप पांढरे तांदूळ घ्या आणि चांगले धुवून घ्या. त्यात २ कप पिण्याचे पाणी घाला आणि एकदा उकळवून घ्या. त्यानंतर तांदूळ गाळून घ्या आणि पाणी वेगळे करा आणि ते थंड झाल्यावर ते बाटलीत भरा आणि फ्रीजमध्ये ठेवा. आता तुम्ही पाणी चेहऱ्यासाठी वापरू शकता.

तांदळाच्या पाण्याने चेहरा कसा धुवावा (How to wash your face with rice water)

तांदळाच्या पाण्याची बाटली फ्रिजमधून काढा आणि ती एक किंवा दोनदा चांगली हलवून घ्या. पाणी काढून तुमच्या चेहऱ्यावर लावा आणि फेसवॉशसारखे हलक्या हाताने घासत रहा. १० मिनिटांनंतर, स्वच्छ पाण्याने चेहरा धुवा. असे तीन दिवस केल्यानंतर तुम्हाला फरक दिसू लागेल.

डॉक्टरांचा सल्ला देखील आवश्यक आहे (Doctor’s advice is also necessary)

पण , जर तुम्हाला त्वचेची कोणतीही समस्या असेल तर तुम्ही प्रथम डॉक्टरांचा सल्ला घ्यावा.