डेंग्यू-मलेरियाची भीती वाटत असेल तर अशा प्रकारे वापरा खोबरेल तेल; डास पुन्हा जवळ येणार नाहीत

मॉस्किटो रिपेलेंट कोकोनट ऑइल कसे बनवायचे ?

डासांपासून बचाव करणारे तेल बनविण्यासाठी तुम्हाला अगदी कमी साहित्य लागणार आहे. यासाठी तुम्हाला आधी खोबरेल तेल, तुमचे आवडते इसेंशियल ऑयल, एक वाटी आणि एक चमचा लागेल. हे करण्यासाठी, प्रथम एका भांड्यात दोन चमचे खोबरेल तेल घाला, त्यात अर्धा चमचा तुमच्या आवडीचे कोणतेही इसेंशियल ऑइल घाला आणि ते चांगले मिसळेपर्यंत आणि थोडे घट्ट होईपर्यंत चमच्याने ढवळा. यानंतर हे लोशन एका बाटलीत भरा. खोबरेल तेलापासून बनवलेले तुमचे मॉस्किटो रिपेलेंट तयार आहे.

( हे ही वाचा: Disease in Monsoon : पावसाळ्यात ‘या’ ४ आजारांमुळे त्रास वाढू शकतो; वेळीच स्वतःची काळजी घ्या)

खोबरेल तेलापासून बनवलेले हे लोशन लावण्याचे फायदे

१) त्वचेसाठी फायदेशीर

हे लोशन तुम्ही त्वचेवर मॉइश्चरायझर म्हणूनही वापरू शकता. हे लोशन त्वचेवर भाजलेल्या, कापलेल्या जखमा किंवा कीटक चावल्यावर सुटणारी खाज यावर आराम मिळवून देतो. तसंच त्वचेवरील कोरडेपणापासून देखील सुटका होऊ शकते.

२) डासांना दूर ठेवण्यासाठी

नारळापासून बनवलेले हे लोशन लावल्याने डास तुमच्या जवळ येणार नाहीत आणि तुम्ही डासांपासून पसरणाऱ्या आजारांपासून दूर राहाल. हा सर्वात सोपा घरगुती उपाय आहे ज्याचा वापर करून तुम्ही डासांना स्वतःपासून दूर ठेऊ शकता आणि स्वतःचे संरक्षण करू शकता.

( हे ही वाचा: त्वचेचे सौंदर्य वाढवण्यासाठी ‘ही’ आयुर्वेदिक पेये ठरतील लाभदायक; रोज प्यायल्यावर दिसेल परिणाम)

३) स्ट्रेच मार्क्स काढा

पोट आणि कंबरेवर दिसणारे स्ट्रेच मार्क्स हलके करण्यासाठी त्यावर रोज खोबरेल तेल लावा. असे केल्याने स्ट्रेच मार्क्स हलके होतात. यासाठी दिवसातून एकदा हे तेल लावून मसाज केल्याने स्ट्रेच मार्क्स कमी होऊन जातील.

४) डोळ्यांखालील काळी वर्तुळे

खोबरेल तेल डोळ्यांखाली लावून तुम्ही काळी वर्तुळे घालवू शकता. डोळ्याखालील काळी वर्तुळे घालवण्यासाठी हा एक चांगला उपाय आहे. तसंच हे तेल चेहऱ्यावरील डाग दूर करून तुमचे सौंदर्य देखील वाढवते.