Indian Railways New Tatkal Ticket Booking Timings :  भारतीय रेल्वेने तात्काळ तिकीट बुकिंगच्या वेळेत मोठे बदल केले आहेत, त्यामुळे पुढील काळात तुम्ही जर रेल्वेने प्रवास करणार असाल तर बदललेल्या वेळांसंदर्भात आधी सविस्तर जाणून घेणे महत्त्वाचे आहे. प्रवाशांना तिकीट बुकिंग करणे सोयीचे जावे यासाठी रेल्वे प्रशासनाने हा निर्णय घेतल्याचे सांगितले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

भारतीय रेल्वेच्या नव्या निमयानुसार, आता एसी क्लाससाठी तात्काळ तिकीट बुकिंग सकाळी १० वाजता सुरू होईल, तर नॉन एसी क्लाससाठी ही प्रक्रिया सकाळी ११ वाजता सुरू होईल. यापूर्वी ही वेळ अनुक्रमे सकाळी ९ आणि १० अशी होती. ही सुविधा आपत्कालीन वेळी तात्काळ तिकीट बुक कराव्या लागणाऱ्या प्रवाशांना सोयीची ठरणार आहे.

तात्काळ रेल्वे तिकीट बुक करण्यासाठी फॉलो करा ‘ही’ सोपी प्रक्रिया

१) तात्काळ तिकीट बुक करण्यासाठी सर्वप्रथम https://www.irctc.co.in/ वर जा आणि लॉगिन करा.

२) यानंतर Plan My Journey सेक्शनमध्ये जा. यानंतर कुठून ते कुठपर्यंत प्रवास करणार ते आणि प्रवासाची तारीख निश्चित करा.

३) आता बुकिंग टॅबमध्ये तत्काळ पर्याय निवडा आणि तुमच्या आवडीच्या ट्रेन आणि क्लास (एसी किंवा नॉन-एसी) वर क्लिक करा.

४) यानंतर तुमच्यासमोर एक फॉर्म उघडेल, ज्यावर तुमचे नाव, वय आणि ओळखपत्र तपशील यांसारखी प्रवाशांची माहिती भरा.

हेही वाचा – Free Aadhaar update: उरला फक्त शेवटचा १ दिवस, आधारकार्डशी संबंधित ‘हे’ काम पटापट करा, अन्यथा…;

५) सर्व माहिती भरल्यानंतर तुम्हाला पेमेंटचे पर्याय दिसतील. क्रेडिट कार्ड, डेबिट कार्ड, यूपीआय, नेट बँकिंग आणि डिजिटल वॉलेटच्या माध्यमातून तुम्ही पेमेंट करू शकता.

६) पेमेंट केल्यानंतर तुम्हाला SMS आणि Email द्वारे तिकिटासंदर्भात माहिती पाठवली जाईल.

७) कन्फर्म तात्काळ तिकिटावर तुम्हाला रिफंड मिळत नाही. पण, तिकीट कन्फर्म न झाल्यास रक्कम परत केली जाईल.

भारतीय रेल्वेने हा बदल आपत्कालीन प्रवासाच्या गरजा लक्षात घेऊन केला आहे, यामुळे प्रवाशांना केवळ चांगली सुविधा मिळणार नाही तर त्यांची बुकिंग प्रक्रिया अधिक अखंड आणि जलद होईल. नवीन नियम आणि दिलेली प्रोसेस फॉलो करून तुम्ही तुमचा प्रवास सुरळीत आणि तणावमुक्त करू शकता.