Jawa बाईकची प्रीबुकिंग सुरू, येथे करा ‘बुकिंग’

जर तुम्हाला देखील ऑनलाइन बाईक बुक करायची असेल तर jawamotorcycles.com/booking वर बूक केलं जात. तर प्री-बुकिंगची कशी होते पाहा. https://www.jawamotorcycles.com/booking वर जा > बुकिंगच्या अगोदर तुमचं नाव आणि मोबाईल नंबर लिहून रजिस्‍ट्रेशन करावा लागेल > त्या वर क्लिक केल्यानंतर शहराचं नाव आणि संबंधित डिलरचा ऑप्‍शन मिळेल, त्याला सिलेक्ट करा. > येथे तुम्हाला मॅाडेलची निवड करावी लागेल, सोबत कलरच ऑप्‍शन विचारलं जाईल. आवडता रंग निवडा > येथे आधार कार्डची माहिती मागितली जाईल, आधार अपलोड केल्यानंतर तुमचं नाव, पत्ता इत्यादी माहिती भरावी लागेल. > पुढील क्रिया नावावर क्लिक केल्यावर नवीन विंडो उघडेल > त्यानंतर तुम्हाला पेमेंट करावं लागेल. मग बुकिंग झाल्याचं कन्फर्मेशन येईल.

किंमत – 
दी जावा – 1.64 लाख रु. (एक्स शोरुम दिल्ली)
जावा 42 – 1.55 लाख रु. (एक्स शोरुम दिल्ली)
जावा पेराक – 1.89 लाख रु. (एक्स शोरुम दिल्ली)

लाँच करण्यात आलेल्या तीन मॉडेल्सपैकी दोन मॉडेल्समध्ये 293 सीसीच्या इंजिनाचा वापर करण्यात आला आहे, तर Jawa Perak मध्ये 334 सीसीच्या इंजिनाचा वापर करण्यात आला आहे. जावा मोटरसायकल या मूळच्या झेक कंपनीचं पहिलं मॉडेल 1929 साली जन्माला आलं ते 499 सीसीचं होतं. देशभरात एकूण 105 डिलर्सकडे ही मोटरसायकल विक्रीसाठी उपलब्ध असणार आहे, तसंच डिसेंबरपर्यंत अजून 64 डिलर्सकडे ही मोटरसायकल विक्रीसाठी आणि टेस्ट राइडसाठी उपलब्ध होईल असं लाँचिंग कार्यक्रमात सांगण्यात आलं आहे.

क्लासिक लीजंड या महिंद्रांच्या मालकिच्या कंपनीनं झेक ब्रँडच्या भारतातल्या विक्रीसाठी आवश्यक ते परवाने घेतले आहेत. मध्यप्रदेशमधल्या पिथमपूर इथल्या कारखान्यात जावाचं उत्पादन केलं जात आहे. विशेष म्हणजे जावाची स्वतंत्र ओळख जपण्यात येणार असून गाडीवर महिंद्राचा लोगो लावण्यात येणार नाही व डीलर्स वगैरे वेगळे नेमण्यात येणार आहेत. सध्या अशा प्रकारच्या हायएंड बाईक्सची मोठी चलती असून हार्ले, डुकातीसारख्या विदेशी कंपन्यांच्या मोटरसायकलनाही विशेष मागणी आहे. या पार्श्वभूमीवर एकेकाळी तरूणाईनं उचलून धरलेल्या जावाला आताचा तरूण वर्ग कसं स्वीकारतो हे बघणं औत्सुक्याचं ठरणार आहे.

इटलीमधल्या वरेसी इथल्या तांत्रिक केंद्रामध्ये जगातील आघाडीच्या इंजिन तज्ज्ञांबरोबर काम केल्यानंतर नवीन जावा तयार करण्यात आल्याचं कंपनीनं म्हटलं आहे. या बाईकचं वैशिष्ट्य सांगताना आयुष्यभर साथ देईल असं नमूद करण्यात आलं आहे. इंजिनच्या एगझॉट यंत्रणेवर विशेष मेहनत घेण्यात आली असून योग्य त्या पाईपांची निवड करण्यात आली आहे, ज्यामुळे हवा तो परिणाम साधला गेल्याचा दावा करण्यात आला आहे.