थंडीच्या दिवसांमध्ये लोकरीचे कपडे, चादर-पांघरुणं मशीनमध्ये धुवत आहात? मग या सात टिप्स लक्षात ठेवा…

परंतु, असे लोकरीचे मऊ कपडे म्हणा किंवा जाड ब्लँकेट किंवा पांघरुणं म्हणा, खराब न होऊ देता कसे स्वच्छ करावे, हा एक मोठा प्रश्न असतो. अशा नाजूक गोष्टींना योग्य पद्धतीने धुण्यासाठी ‘गोदरेज अप्लायन्सेस’च्या वॉशिंग मशीन उत्पादन गटाचे प्रमुख, शशांक सिन्हा यांनी काही टिप्स दिल्याचे न्यूज १८ च्या एका लेखातून समजते. पाहा.

आणखी वाचा

घरच्या घरी तूप तयार करताना साय कशी साठवावी? या टिप्स वापरल्यास येणार नाही दुर्गंध, महिनाभर ताजी राहिल साय

संत्री आहे हिवाळ्यातील सुपरफूड! रोज ‘या’ वेळी एक…

Jaswand Flower Tips: जास्वंदीला येतील भरपूर कळ्या, केळीच्या सालीबरोबर मिसळा ही गोष्ट, पैसे वाचवणारा VIDEO एकदा पाहाच

महिलांनो रोज एक अंड खाल्ल्याचे ‘हे’ चत्मकारीक फायदे वाचा, संशोधनातून समोर आली माहिती

मसालेदार अन्न खाण्याची योग्य वेळ कोणती? जाणून घ्या; अन्यथा होतील गंभीर परिणाम

वजन कमी करताय? मग सकाळच्या नाश्त्यामध्ये चहा आणि टोस्ट खाणे टाळा; का ते घ्या जाणून तज्ज्ञांकडून….

Jugaad Video : कांद्यावर टूथपेस्ट टाकताच कमाल झाली! घरातील झुरळ पळवण्यासाठी महिलेने सांगितला अनोखा जुगाड, पाहा व्हिडीओ

आठवड्यातून दर चार तासांनी २० मिनिटांची डुलकी घेतल्यास शरीरावर काय परिणाम होतो?

तुम्हालाही बर्फ चघळण्याची सवय आहे? मग ही सवय ठरू शकते आरोग्यासाठी धोकादायक, तज्ज्ञ सांगतात…

हिवाळ्यात नाजूक कपडे योग्य पद्धतीने धुण्याच्या सात टिप्स

१. लेबल्स तपासून पाहावे

कपड्यांच्या मागे, खास करून हिवाळी कपड्यांच्या आतील भागात एक लेबल लावलेले असते; ज्यामध्ये तो ठराविक कपडा कसा धुणे गरजेचे आहे ते सांगितलेले असते. तुम्ही ते लेबल नीट वाचल्यास, ते कापड धुताना पाण्याचे तापमान कसे असले पाहिजे, मशीनमध्ये धुवून चालेल की नाही, स्पिन करून चालेल का, साबण वापरावा की नाही; अशा सर्व सूचना दिलेल्या सापडतील.

हेही वाचा : २०२४ या नवीन वर्षातील ‘आठ सवयी’ कायम देतील तुम्हाला सकारात्मक ऊर्जा; काय आहेत टिप्स जाणून घ्या

२. लोकरीचे कपडे वेगळे धुणे

सर्व कपड्यांसोबत लोकरीचे कपडे धुवू नका. त्याऐवजी लोकरीचे, विणकाम केलेले, थंडीचे जॅकेट यांसारख्या नाजूक कपड्यांना बाजूला करावे. यामुळे इतर कपड्यांचा त्रास या नाजूक कपड्यांना होणार नाही. त्यासोबत रंग लागण्याचा धोका असतो, तो देखील टाळला जाऊ शकतो. हिवाळी कपडे धुताना त्यांना उलट करून, म्हणजे आतील बाजू बाहेर करावी आणि मगच मशीनमध्ये धुण्यासाठी टाकावे. यामुळे तुमचे कपडे खराब होणार नाहीत.

३. लोकरीच्या कपड्यांवरील डाग काढणे

लोकरीच्या कपड्यांना डाग लागल्यास प्रथम डाग काढणाऱ्या साबणाला किंवा स्टेन रिमूव्हरला पाण्यामध्ये मिसळून डाग लागलेल्या भागावर घालून तो भाग स्वच्छ करून घ्यावा. त्यानंतर कापड मशीनमध्ये धुण्यासाठी टाकावे.

४. योग्य साबणाचा वापर करणे

गार पाणी आणि नाजूक कपड्यांसाठी असणाऱ्या साबणाचा वापर करावा. लोकरीचे कपडे नाजूक असतात, त्यामुळे त्यांच्यावर अधिक रसायने असणारे साबण वापरल्यास ते लवकर खराब होऊ शकतात. तसेच जास्त प्रमाणात साबण वापरल्यानेही तुमच्या कपड्यांवर त्याचा चुकीचा परिणाम होऊ शकतो.

हेही वाचा : सकाळपासून रात्रीपर्यंत राहाल प्रचंड उत्साही; रिकाम्यापोटी केवळ ‘हे’ पदार्थ खाणे ठरेल फायदेशीर, टिप्स पाहा…

५. मशीनमध्ये कपडे कोंबणे

एकाचवेळी भरमसाठ कपडे मशीनमध्ये कोंबू नका. असे केल्याने सर्व कपड्यांवर त्याचा परिणाम होऊन कोणताही कपडा स्वच्छ धुतला जात नाही. त्यामुळे मर्यादित कपडे धुण्यासाठी टाकून, मशीनला व्यवस्थित फिरू द्यावे. कपडे अधिक असल्यास त्यांचे विभाजन करावे.

६. वॉशिंग मशीनचे योग्य सेटिंग निवडणे

तुम्ही जर लोकरीचे किंवा नाजूक कपडे मशीनमध्ये धुणार असाल, तर मशीनचे योग्य सेटिंग वापरणे गरजेचे असते. नाजूक कपडे धुताना जेंटल किंवा डेलिकेट वॉशिंग असा ऑप्शन निवडावा. यामध्ये मशीन फिरण्याचा वेग कमी असतो, ज्यामुळे कपड्यांना हानी न पोहोचता ते स्वच्छ धुतले जातात.

७. कपडे योग्य पद्धतीने वाळवणे

कपडे धुवून झाल्यानंतर त्यामधील अतिरिक्त पाणी हलक्या हाताने पिळून काढून टाकावे. कमी सूर्यप्रकाश असणाऱ्या ठिकाणी हे कपडे हवेवर वाळण्यासाठी ठेवून द्या. यामुळे कपडे आकसणार नाही किंवा त्यांचा रंगदेखील उडणार नाही. कपडे घडी घालून खणात ठेवण्याआधी ते पूर्णतः वाळले असल्याची खात्री करावी. कपडे दमट असल्यास त्यास कुबट वास येऊ शकतो व तसेच खणात राहिल्यास त्याला बुरशी लागून कपडे खराब होऊ शकतात.

शशांक सिन्हा यांनी सुचवलेल्या या टिप्स वापरल्यास तुमचे लोकरीचे कपडे स्वच्छ आणि अधिक चांगल्याप्रकारे टिकून राहण्यास मदत होईल.