Kitchen Jugaad : सध्या पावसाळा सुरू झाला आहे. पावसाच्या या वातावरणात मका उकळून किंवा भाजून खायला अनेकांना आवडतो तर काही लोकांना मक्याची भेळ बनवून खायला आवडते. मक्यापासून अनेक पदार्थ बनवले जातात पण मक्यापासून नवनवीन पदार्थ बनवताना मका सोलून घ्यावा लागतो आणि अनेकांना मका सोलण्याचा त्रास येतो. तुम्हालाही मका सोलण्याचा कंटाळा येतो का? सध्या असाच एक व्हिडीओ व्हायरल होत आहे. या व्हिडीओमध्ये मका सोलण्याची हटके पद्धत सांगितली आहे. (Kitchen Jugaad how to remove corn seeds easily)
फक्त एका मिनिटांत काढा मक्याचे दाणे
या व्हायरल व्हिडीओमध्ये सांगितल्याप्रमाणे –
एक मका घ्यायचा आणि चाकू घ्यायचा.
कणीस मधील एक लाइन चाकूच्या साहाय्याने काढायची. फक्त एक लाइन काढायची.
एक लाइन काढल्यानंतर आपला जो अंगठा असतो त्याच्या साहाय्याने सर्व लाइन्स बाजूने ओढायच्या.
मका एका मिनिटात तुम्ही सोलू शकता.
या ट्रिक माहिती झाली की तुम्हाला कधीही मका सोलण्याचा कंटाळा येणार नाही. सध्या हा व्हिडीओ चांगलाच व्हायरल होत आहे.
पाहा व्हायरल व्हिडीओ
prajakta_salve_marathi या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “मक्याचे कणीस सोलण्याची जबरदस्त ट्रिक” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “काही वेळ लागत नाही..उलटं मस्त सोलता सोलता मस्त खाल्ले पण जातात” तर एका युजरने लिहिलेय, “आणखी एक टीप. हा मका स्वच्छ धुवून कुकरमध्ये शिजवला तर सुरीने नीट कापता येईल.” आणखी एका युजरने लिहिलेय, “मस्त ट्रिक आहे.”
हेही वाचा : भारतात दिवसेंदिवस डेंग्यूची प्रकरणे का वाढतायत? काय आहेत यामागील कारणे; जाणून घ्या, तज्ज्ञ काय सांगतात…
प्राजक्ता साळवे या इन्स्टाग्राम आणि त्यांच्या युट्युब अकाउंटवर व्हिडीओच्या माध्यमातून अनेक हटके घरगुती उपाय सांगतात. त्यांच्या प्रत्येक व्हिडीओवर युजर्स लाइक्स आणि कमेंट्सचा वर्षाव करतात. हजारो लोक त्यांना इन्स्टाग्राम आणि युट्युबवर फॉलो करतात. यापूर्वी त्यांचे असे अनेक व्हिडीओ व्हायरल झाले आहे. कधी त्या स्वयंपाकघरातील ट्रिक्स सांगतात तर कधी घरगुती उपाय सांगतात. काही दिवसांपूर्वी त्यांचा एक व्हिडीओ चांगलाच चर्चेत आला होता. जुन्या उरलेल्या साबणांपासून त्यांनी एक नवीन साबण कशी तयार करायची, याविषयी सांगितले होते.
© IE Online Media Services (P) Ltd