गॅस सिलेंडर हे अत्यंत महत्त्वाचा घटक आहे. आज घरोघरी तुम्हाला गॅस सिलेंडर पाहायला मिळेल. दिवसेंदिवस घरगुती गॅस सिलेंडरचे दर वाढत आहे. त्यामुळे सामान्य नागरीक चिंतेत दिसतात पण टेन्शन घेऊ नका आज आम्ही तुम्हाला गॅस सिलेंडर जास्त दिवस कसा वापरता येईल, याबाबत टिप्स सांगणार आहोत.
सोशल मीडियावर तुम्ही असे अनेक व्हिडीओ पाहिले असेल ज्यामध्ये गॅस सिलेंडर जास्त दिवस कसा वापरता येईल, किंवा सिलेंडरमधील गॅस कसा वाचवावा, या संदर्भात माहिती दिलेली असते. असाच एक व्हिडीओ युट्यूबवर सुद्धा व्हायरल होत आहे. या व्हिडीओमध्ये गॅस सिलेंडर जास्त दिवस कसा वापरता येईल, याबाबत पाच टिप्स सांगितल्या आहेत. चला तर जाणून घेऊ या.
- सिलेंडर घरी आणल्यानंतर सुरुवातीला या सिलेंडरचे वजन मोजून घ्यावे. वजन ठिक असेल तर चांगले आहे नाहीतर सिलेंडर बदलून घ्यावे. कारण सिलेंडर जास्त दिवस आपल्याला टिकवायचा असेल तर त्यासाठी तो नीट भरलेला असणे गरजेचा आहे. तसेच ज्या दिवशी आपण सिलेंडर घरी आणला ती तारीख कॅलेंडरवर लिहून ठेवायची, यामुळे आपल्याला लक्षात येईल की सिलेंडर किती दिवस वापरण्यात आला. ही सवय जर कायम ठेवली तर सिलेंडर किती दिवस टिकेल याचा आपल्याला अंदाज राहील.
- गॅस बर्नर नियमित स्वच्छ करायचा जेणेकरुन हा योग्य प्रमाणात वापरला जाईल. जर बर्नरमध्ये कचरा किंवा काही घाण साचलेली असेल तर निळ्या ऐवजी थोड्या पिवळ्या रंगाची दिसते.त्यावेळी बर्नर स्वच्छ धुवून घ्यायचा.गॅसचा बर्नर स्वच्छ ठेवण्यासाठी गरम पाण्यात गॅसचा बर्नर ठेवायचा आणि त्यात थोडा लिंबू पिळून घ्यायचा. त्यात इनोचे संपूर्ण पॅकेट टाकायचे. दोन तीन तासांसाठी या मिश्रणामध्ये बर्नर भिजून ठेवायचे आणि त्यानंतर ब्रशनी बर्नर नीच घासून स्वच्छ धुवायचे.
हेही वाचा :
नारळाच्या करवंटीमधून खोबरे बाहेर काढण्यासाठी ‘ही’ सोपी पद्धत नक्की ट्राय करा
Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?
Kitchen Hacks: तांदळाच्या डब्याला मुंग्या लागल्यात? ‘हे’ सोप्पे उपाय मुंग्यांना पळवून लावतील
कोलेस्ट्रॉलची पातळी कमी करायची आहे? मग सकाळी उठल्यावर ‘या’ सहा गोष्टी करा, तज्ज्ञ सांगतात…
नाशिक शहरातील ३३ स्मार्ट वाहनतळांचे पुनरुज्जीवन, वाहतूक कोंडी सोडविण्यासाठी आराखडा
सोनु सुदने चपाती खाणे केले बंद! चपाती खाणे पूर्णपणे बंद केल्यास तुमच्या शरीरावर काय परिणाम होईल?
१० रुपयांच्या चिप्सपासून बनवा पनीरचा ‘हा’ खास पदार्थ, संध्याकाळच्या नाश्त्यासाठी ठरेल बेस्ट! लगेच वाचा रेसिपी
Kitchen Hacks : चपातीमुळे काळा पडलेला, खराब झालेला तवा काही मिनिटांत होईल चकाचक; वापरा फक्त ‘या’ सोप्या ट्रिक्स
- स्वयंपाक करण्यापूर्वी सर्व पूर्वतयारी आधीच करुन ठेवायची. जसे की भाज्या कापणे, लसूण निवडणे, मसाले वर काढून ठेवायचे. यामुळे फोडणी देताना गॅस कमी जास्त करावा लागणार नाही.कारण गॅस कमी जास्त केल्यामुळे गॅस वाया जाण्याची शक्यता असते.
- स्वयंपाकात शक्य असेल तिथे कुकरचा वापर करा. यामुळे स्वयंपाकाला कमी गॅस खर्च होईल आणि गॅसबरोबर वेळेची सुद्धा बचत होईल. तसेच डाळ आणि तांदूळ शिजवण्यापूर्वी किमान अर्धा तास तरी भिजत ठेवा. यामुळे सुद्धा डाळी किंवा तांदूळ लवकर शिजणार.
- गॅस वापरताना योग्य भांडे वापरा. प्रमाणानुसार भांड्याचा आकार निवडा. जर शेगडीमध्ये किंवा गॅसच्या नळीमध्ये थोडी फार लिकेज होत असले तर लगेच दुरुस्ती करुन घ्या. यामुळे गॅस वाया जाणार नाही. तसेच रेग्युलेटर आणि गॅसची नळी वेळोवेळी बदलून घ्यावी. गॅसचा वापर केल्यानंतर रेग्युलेटर नीट बंद करा. यामुळे गॅस वाया जाणार नाही आणि गॅस जास्त दिवस वापरता येईल.
