आता व्हॉट्स अॅपवरही शेड्यूल करता येणार मेसेज

व्हॉट्सअॅप हा आता आपल्या जगण्याचा अविभाज्य भाग झाला आहे. मेसेजिंगसाठी वापरले जाणारे हे अॅप खूप मोठ्या प्रमाणात वापरले जाते. मेसेजबरोबरच व्हिडियो, फोटो आणि तर कधी काही महत्त्वाची कागदपत्रे एकमेकांना पाठवण्यासाठी हे अॅप्लिकेशन सर्रास वापरले जाते. कधी वाढदिवसाच्या शुभेच्छा तर कधी एखाद्या सणाच्या शुभेच्छा देण्यासाठीही या अॅप्लिकेशनचा वापर केला जातो. हा दिवस आपल्याला लक्षात ठेवावा लागतो आणि त्या दिवशी मेसेज करावा लागतो. पण आता हे काम काहीसे सोपे होण्याची शक्यता आहे. याचे कारण म्हणजे आता तुम्हाला व्हॉटस अॅपला पाठवायचा मेसेज तुम्हाला शेड्यूल करता येणार आहे. सध्या ही सुविधा अँड्रॉईड वापरणाऱ्यांसाठी असेल असे सांगण्यात आले आहे. गुगल प्ले स्टोअरवर असे काही अॅप आहेत ज्यामध्ये तुम्हाला अशाप्रकारे विशिष्ट वेळ आणि दिवसासाठी मेसेज शेड्यूल करता येणार आहे.