वर्षातील शेवटचे चंद्रग्रहण ‘या’ तारखेला, जाणून घ्या कोणत्या राशींच्या लोकांवर होणार परिणाम

चंद्रग्रहण असो किंवा सूर्यग्रहण, दोन्ही धार्मिक श्रद्धेनुसार अशुभ मानले जातात. असे मानले जाते की ग्रहण दरम्यान, पृथ्वीवरील सर्व सजीवांवर नकारात्मक परिणाम होतो. शास्त्रज्ञांच्या मते, जेव्हा पृथ्वी सूर्य आणि चंद्राच्या मध्ये येते, तेव्हा चंद्रावर प्रकाश नसतो, या स्थितीला चंद्रग्रहण म्हणतात. या वर्षातील दुसरे चंद्रग्रहण शुक्रवार, १९ नोव्हेंबर २०२१ या दिवशी लागणार आहे. दरम्यान १९ नोव्हेंबरला चंद्रग्रहण सकाळी ११.३४ मिनिटांनी लागणार असून संध्याकाळी ०५.३३ वाजता संपणार आहे. हे आंशिक चंद्रग्रहण असणार आहे, जे भारतासह युरोप आणि आशियातील बहुतांश भागात दिसणार आहे.