वेगवान कार्सची आवड असणाऱ्यांसाठी एक आनंदाची बातमी आहे. जगातील सर्वात वेगवान कार जिनेव्हा येथील मोटार शोमध्ये नुकतीच लॉन्च झाली आहे. विशेष म्हणजे या कारची निर्मिती भारतीय वाहन क्षेत्रातील प्रमुख कंपन्यांपैकी एक असणाऱ्या ‘महिंद्रा अॅण्ड महिंद्रा’ने केली आहे. महिंद्रा अॅण्ड महिंद्राच्या मालकीच्या ‘ऑटोमोबाइली पिनिनफेरिना’ या इटालियन कंपनीने ‘बटिस्टा’ नावाची लक्झरी इलेक्ट्रिक सुपर कार तयार केली आहे. जिनेव्हा येथे सुरु असलेल्या ‘जिनेव्हा मोटर शो २०१९’ मध्ये या कारची पहिली झलक पहायला मिळाली.
जगातील सर्वात शक्तीशाली कार म्हणून या कारकडे पाहिले जात आहे. ‘महिंद्रा अॅण्ड महिंद्रा’च्या मालिकच्या जर्मनीमध्ये मुख्यालय असणाऱ्या ‘ऑटोमोबाइली पिनिनफेरिना’ या इटालियन कंपनीने बनवलेली ही कार अवघ्या २ सेकंदामध्ये १०० किलोमीटर प्रती तास एवढा वेग पकडू शकते. हा वेग कोणत्याही फॉर्म्युला वन कारच्या वेगापेक्षा अनेक पटींने जास्त आहे. विशेष म्हणजे ही गाडी पेट्रोल किंवा डिझेलवर चालणारी नसून ती पूर्णपणे इलेट्रीक कार आहे. वर्षभरापूर्वी स्थापन झालेल्या ‘ऑटोमोबाइली पिनिनफेरिना’ कंपनीची ही पहिलीच कार आहे. ‘पिनिनफेरिना एसपीए’ या ८९ वर्ष जुन्या कंपनीच्या मालिकीची असणारी ‘ऑटोमोबाइली पिनिनफेरिना’ कंपनी भविष्यातही केवळ इलेट्रीक गाड्या बनवणार आहे. ‘बटिस्टा’ ही गाडी २०२० साली ‘पिनिनफेरिना एसपीए’च्या नव्वदाव्या स्थापनादिनी बाजारात विक्रीसाठी उपलब्ध करुन देण्यात येणार आहे.
महिंद्रा अॅण्ड महिंद्राचे अध्यक्ष आनंद महिद्रांनी या गाडीचा एक व्हिडीओ ट्विटवर पोस्ट केला आहे.
For those of you who can’t get to see the details of the #Battista just yet, here’s a peek at a cool feature: motorised aerofoil shaped spoilers at the rear.. pic.twitter.com/GG8i4vn50G
— anand mahindra (@anandmahindra) March 5, 2019
या गाडीच्या लॉन्चिंग सोहळ्याचे काही फोटोही आनंद महिंद्रांनी ट्विट केले आहे.
I asked Dan, the Chief Brand Officer of Automobili Pininfarina whether he was happy with the turnout at our #Battista launch at the Geneva Auto Show this afternoon. In response he just sent these pics. We’re grateful for the interest in this object of desire on wheels! pic.twitter.com/C3n0zEddyd
— anand mahindra (@anandmahindra) March 5, 2019
या गाडीला एकदा पूर्ण चार्ज केल्यानंतर ती ४५० किलोमीटरपर्यंत जाऊ शकते असा दावा कंपनीने केला आहे. साध्या पद्धतीने चार्ज होणारी आणि फास्ट चार्जिंग होणारी अशा दोन प्रकारांमध्ये ही गाडी उपलब्ध करुन देण्यात येणार असल्याचे कंपनीने सांगितले आहे.
फिचर्स आणि किंमत
कार्बन फायबर मोनोक्रॉक चॅसीस आणि कार्बन फायबर पासून बनवलेली ही गाडी १२० केडब्लूएच क्षमतेच्या लिथियम आयन बॅटरीवर चालेल. या गाडीच्या प्रत्येक चाकासाठी वेगळी मोटर असून सर्व मोटर्स थेट बॅटरीला कनेक्ट असतील. गाडी थंड करण्यासाठी पाच रिडिएटर असणारी कुलिंग सिस्टीमही गाडीत बसवण्यात आली आहे. या गाडीचा सर्वाधिक वेग ३५० किलोमीटर प्रती तास इतका आहे. कंपनी केवळ १५० बटिस्टा गाड्या बनवणार असून त्या उत्तर अमेरिका, युरोप आणि मध्य आशियामध्ये विक्रीसाठी उपलब्ध केल्या जातील. या गाडीची अंदाजे किंमत २२ लाखांहून अधिक असण्याची शक्यता व्यक्त केली जात आहे.
