हाडे निरोगी आणि मजबूत ठेवण्यासाठी तुमच्या जीवनशैलीत करा हे ५ बदल करा

निरोगी हाडांची देखभाल कशी करावी

१. पौष्टिक आहार: मजबूत हाडांसाठी संतुलित, पौष्टिक आहार आवश्यक आहे. मजबूत आणि निरोगी हाडांठी कॅल्शियम आणि विटामिन डी आवश्यक आहेत. हे डेअरी प्रोडक्ट्स, सी फूड आणि हिरव्या भाज्या उपलब्ध आहेत. व्हिटॅमिन डी सूर्य किरणांमध्ये सहजतेने प्राप्त केली जाऊ शकते. या पोषक तत्वांची कमतरता असलेल्या आहारामुळे हाडांची घनता कमी होते आणि त्यामुळे वेदना आणि फ्रॅक्चरचा धोका वाढतो.

२. शारीरिक हालचाल करणे:
जेव्हा आपण शारीरिक हालचालीं करतो तेव्हा, वजन उचलण्याचे व्यायाम करतो त्यामुळे हाडे मजबूत होतात. हे आपल्या हाडांची घनता वाढवते आणि हाडांना आधार देणारे मजबूत स्नायू तयार करतात. चालणे, धावणे आणि वजन प्रशिक्षण यांसारख्या शारीरिक हालचाली खूप फायदेशीर ठरू शकतात.

३. दारू आणि धूम्रपानाच्या सवयी कमी करा:
मद्यपान आणि धुम्रपानाचा अतिरेक हाडांच्या आरोग्यावर परिणाम करू शकतो. मादक पदार्थांच्या दुरुपयोगामुळे शरीराची कॅल्शियम आणि इतर आवश्यक पोषक तत्त्वे वापरण्याची क्षमता कमी होते जे मजबूत हाडे तयार करण्यास मदत करतात. धूम्रपानामुळे शरीर कमकुवत होते, ज्यामुळे शारीरिक हालचाली करणे कठीण होते. मजबूत आणि निरोगी हाडांसाठी धूम्रपान सोडणे आणि अल्कोहोलचे सेवन कमी करण्याची शिफारस केली जाते.

हेही वाचा – दररोज किती पावले चालल्यास मृत्यूचा होतो धोका कमी? वाचा संशोधन काय सांगते

४. निरोगी वजन राखणे:
हाडे निरोगी ठेवण्यासाठी शरीराचे वजनही निरोगी असणे आवश्यक आहे. जास्त वजन आणि कमी वजन दोन्हीमुळे हाडांवर नकारात्मक परिणाम होऊ शकतो. शरीराच्या कमी वजनामुळे हाडांची घनता कमी होते आणि जास्त वजनामुळे हाडांची गुणवत्ता खराब होते.

५. नियमित आरोग्य तपासणी करा:
कमकुवत हाडांच्या निदानासाठी हाडांची घनता स्कॅन आणि कॅल्शियम आणि व्हिटॅमिन डी मोजमाप यांसारखी नियमित हाडांची तपासणी आवश्यक आहे. चेकअपमुळे शरीराला जुनाट समस्यांपासून संरक्षण मिळते आणि हाडांचे आरोग्य राखण्यास मदत होते.

हेही वाचा – Frizzy Hair Tips: झोपेतून उठल्यानंतर केस कोरडे- विस्कटलेले असतात का? आजच बदला ‘ही’ सवय, केसांना येईल चमक

म्हणूनच हाडांच्या निरोगी जीवनशैलीसाठी मोठे बदल आवश्यक नाहीत. लहान आणि सातत्यपूर्ण जीवनशैलीत बदल केल्याने हाडांच्या आरोग्यावर मोठा परिणाम होऊ शकतो. हाडे शरीराचा आधार बनतात आणि म्हणूनच हाडांचे आरोग्य राखण्याकडे दुर्लक्ष केल्यास आयुष्याच्या नंतरच्या टप्प्यात गंभीर परिणाम होऊ शकतात.