पावसाळी चप्पला लागून पायाला जखमा होतायत? ‘या’ सोप्या टिप्सने त्रास व पैसे दोन्ही वाचवा

१) एरवी अशी जखम झाल्यास ती उघडी ठेवून सुकू द्यावी असे अनेकजण सांगतात पण पावसाळ्यात अशी जोखीम पत्करणे धोक्याचे ठरते. जखमेला पाण्याचा अधिक स्पर्श होऊ नये यासाठी आधी कोरड्या कपड्याने किंवा माउस कापसाने जखम व आसपासचा भाग पुसून काढा व त्यावर एखादी अँटी बॅक्टरीयल क्रीम व बँडेज लावा. तुम्ही नव्या चप्पल घेत असल्यास अगोदर पायाच्या अंगठ्याच्या व करंगळीच्या शेजारी व मागील बाजूस बँडेज लावणे उत्तम ठरेल.

२) अनेकदा फोड येतानाच त्यात पाणी गेलेले असते, अनेकांना असे फोड फोडण्याची सवय असते मात्र असे केल्याने संसर्ग वाढू शकतो त्यामुळे जखम चिघळण्याचा प्रयत्न करू नका.

३) तुम्ही काही बर्फाचे तुकडे एका स्वच्छ कपड्यात गुंडाळू शकता आणि शू बाईट झालेल्या भागात लावू शकता. याशिवाय पायाला आलेली सूज दूर करण्यासाठी देखील हा उपाय उत्तम आहे.

४) तुम्ही रोज दात घासण्यासाठी वापरता तीच टूथपेस्ट तुम्हाला शू बाईटपासून सुद्धा आराम देऊ शकते. थोडी पेस्ट बोटावर घेऊन शू बाईट झालेल्या भागात लावा थोड्यावेळाने ओल्या .

५) तुम्ही व्हॅसलिनसारखीच एखादी पेट्रोलियम जेली सुद्धा वापरू शकता.

६) अलीकडे पॅंटी लायनर्स म्हणून एक प्रकार चर्चेत आहे. डायपर किंवा सॅनिटरी पॅड सारखाच पण लहान आकाराचा हा लायनर तुम्ही चप्पलांच्या मागील बाजूस वापरू शकता.

हे ही वाचा<< बेसिन- मोरीतून गांडूळ बाहेर येतायत? पावसाळा सुरु होतोय, अगदी स्वस्तात करा ‘हे’ जुगाडू उपाय

दरम्यान, नव्या चप्पला विकत घेतानाच त्या योग्य साईजमध्ये घ्या. काहींना आपल्या पायाच्या आकारापेक्षा मोठ्या चप्पला वापरायची सवय असते पण यामुळे पाय व चप्पलमध्ये जास्त जागा राहून घर्षण अधिक होण्याचा धोका असतो यापेक्षा योग्य मापाची चप्पल घेणे कधीही उत्तम.