Hair Wash Periods: मासिकपाळी दरम्यान महिला केस धुवू शकतात का? जाणून घ्या तज्ञांनी दिलेली महत्वाची माहिती

मासिकपाळी दरम्यान केस धुतल्याने महिलांना वंध्यत्व येऊ शकते का?

अलीकडेच, डॉक्टर तनया नरेंद्रने त्यांच्या इंस्टाग्राम हँडलवर एक व्हिडिओ शेअर केला आहे, ज्यामध्ये त्यांनी लिहिलंय की, “असं काहीही करू नका, ही मिथक अजिबात ऐकू नका. तुमच्या मासिक पाळीच्या दरम्यान तुम्ही तुमचे केस कितीही वेळा धुवू शकता. मासिक पाळीच्या वेळी केस धुवू नयेत या मिथकाबद्दल बोलताना त्या म्हणाल्या, “लोकांचा असा गैरसमज आहे की जर तुम्ही मासिक पाळीदरम्यान केस धुतले तर तुमचे डोके सर्व पाणी शोषून घेईल आणि त्या थंड ऊर्जेला गर्भाशयमध्ये प्रसारित करेल. ज्यामुळे तुमचे गर्भाशय भविष्यात मुले निर्माण करू शकणार नाही.”

( हे ही वाचा: पाठीच्या ‘या’ भागात दुखणे ठरू शकते हृदयविकाराच्या झटक्याचे कारण; जाणून घ्या तज्ञांनी दिलेली महत्वाची माहिती)

मासिकपाळी दरम्यान आंघोळ केल्यास काय होते?

याशिवाय काही महिलांना असे देखील वाटते की मासिक पाळीच्या वेळी केस धुण्याने केस गळतात. हे सुद्धा एक मिथक आहे आणि पूर्णपणे असत्य आहे कारण मासिक पाळीच्या दरम्यान आपले केस धुणे किंवा आंघोळ करणे टाळण्याचा कोणताही वैज्ञानिक पुरावा नाही. याऊलट गरम पाण्याने अंघोळ केल्यास मासिकपाळी दरम्यान होणाऱ्या क्रॅम्पिंगची समस्या कमी होण्यास मदत होते.

डॉ. तान्या यांच्या म्हणण्यानुसार, “तुमच्या संपूर्ण शरीरातील टाळू आणि त्वचा वाटरप्रूफ असते. त्यामुळे ते पाणी शोषून घेणार नाही आणि त्यामुळे तयार होणारी थंड ऊर्जा तुमच्या गर्भाशयात येऊ शकत नाही.” त्यामुळे तुम्हाला मासिकपाळीच्या कारणाने वैयक्तिक स्वच्छतेच्या सवयींशी तडजोड करण्याची गरज नाही.

( हे ही वाचा: Benefits of Roasted Gram: भाजलेले चणे खाल्याने कोलेस्ट्रॉल, मधुमेह नियंत्रित राहण्यास मदत होते; तज्ञांनी सांगितलेले त्याचे ७ मोठे फायदे जाणून घ्या)

पण मासिक पाळीचा तुमच्या केसांवर परिणाम होऊ शकतो का?

ज्याप्रकारे मासिकपाळी तुमच्या मनःस्थितीवर आणि त्वचेवर परिणाम करते, त्याचप्रमाणे तुमच्या केसांवरही परिणाम होऊ शकतो. मासिक पाळीच्या दरम्यान हार्मोन्सची पातळी बदलते. त्यामुळे तुमचे शरीर अधिक टेस्टोस्टेरॉन तयार करू शकते, ज्यामुळे सीबमचे प्रमाण वाढू शकते आणि तुमचे केस तेलकट आणि चिकट होऊ शकतात. याव्यतिरिक्त, तुम्हाला केस गळण्याची लक्षणे देखील दिसू शकतात.

मात्र हे सर्व हार्मोनच्या बदलामुळे होते, तुम्ही मासिकपाळी दरम्यान केस धुत असल्यामुळे नाही. डॉ. तान्या म्हणाल्या, “मासिक पाळी सुरू असताना, कृपया स्वतःची काळजी घेण्याचे लक्षात ठेवा. तो एक वेदनादायक अनुभव आहे. म्हणून जर आंघोळ करणे आणि डोके धुणे तुमच्यासाठी योग्य असेल तर ते करा, तसे नसेल तर करू नका.” त्यामुळे महिलांसाठी हा त्यांचा वैयक्तिक निर्णय असू शकतो. परंतु अशा मिथकांकडे लक्ष देण्यापूर्वी किंवा अनुसरण करण्यापूर्वी डॉक्टरांचा सल्ला घ्या.