आता Paytm वर अतिरिक्त शुल्काविना काढा रेल्वे तिकिट

रेल्वेचा प्रवास हा जवळच्या किंवा दूरच्या अंतरासाठी सर्वात सोयीचा आणि स्वस्तातील मार्ग आहे. रेल्वेने एखाद्या ठिकाणी जायचे म्हटले की आरक्षण करणे ही सर्वात महत्त्वाची गोष्ट असते. Paytm हे सध्या सर्वाधिक वापरले जाणारे अॅप आहे. आता या अॅपद्वारे रेल्वेचे तिकीट काढता येते. आतापर्यंत या अॅपद्वारे तिकीट काढल्यावर अतिरिक्त शुल्क आकारले जात होते. मात्र आता कोणतेही अतिरिक्त शुल्क घेतले जाणार नाही. Paytm वर पीएनआर स्टेटस पाहण्यापासून तिकीट बुकींग करण्यापर्यंत सर्व कामे अगदी कमी कालावधीत होणार आहेत. त्यामुळे तुम्ही प्रवास करण्याचा विचार करत असाल तर तुमच्यासाठी हा एक उत्तम पर्याय ठरणार आहे. याआधीही Paytm द्वारे रेल्वे तिकीट आरक्षित करणाऱ्या युजर्सची संख्या जास्त होती. आता शुल्क माफ केल्याने यामध्ये वाढ होण्याची शक्यता आहे.