‘ओप्पो ए७’ भारतात लाँच, ‘रेडमी नोट ६ प्रो’ला टक्कर

‘ओप्पो ए७’ हा नवा स्मार्टफोन भारतात लाँच झाला आहे. ‘ओप्पो ए७’द्वारे काही दिवसांपूर्वीच लाँच झालेल्या शाओमीच्या रेडमी नोट 6 प्रो या स्मार्टफोनला टक्कर मिळण्याची शक्यता आहे. नेपाळ आणि चीनमध्ये हा स्मार्टफोन यापूर्वीच लाँच झाला होता. भारतात १६ हजार ९९० रुपये इतकी या स्मार्टफोनची किंमत ठेवण्यात आली आहे. याशिवाय अॅमेझॉनवर अनेक ऑफर्सही आहेत. जुन्या फोनच्या बदल्यात नवा ए७ फोन खरेदी करायचा असल्यास २११० रुपयांची सूट मिळणार आहे, म्हणजेच हा फोन अवघ्या १४८८० रुपयांना विकत घेता येईल. एचडीएफसी क्रेडिट आणि डेबिट कार्डवर हफ्त्यावर फोन घेतल्यास अतिरिक्त ५ टक्के सूट मिळणर आहे. ग्लेयरिंग गोल्ड आणि ग्लेज ब्लू रंगात हा स्मार्टफोन उपलब्ध आहे.