'बजाज ऑटो'ने अ‍ॅव्हेंजरच्या सर्व मॉडल्स आणि पल्सर मालिकेतील अधिकांश बाइक्सच्या किंमतीत वाढ केली आहे. 998 ते 4000 रुपयांची वाढ किंमतीत करण्यात आली आहे. कंपनीने बजाज 150 आणि अॅव्हेंजर 160 स्ट्रीटच्या किंमती 998 रुपयांनी वाढवल्या आहेत. तर, पल्सर 150 Neon च्या किंमतीत 4,000 रुपयांची वाढ करण्यात आली आहे. याशिवाय, Dominar 400 ची किंमतही 10 हजार रुपयांनी वाढवण्यात आली आहे. त्यामुळे आता या बाइकची किंमत 1.90 लाख रुपये झाली आहे. जाणून घेऊया अॅव्हेंजर आणि पल्सरच्या कोणत्या बाइकच्या किंमतीत किती वाढ - 4,000 रुपयांनी महागली Pulsar Neon Pulsar Neon च्या किंमतीत 4,000 रुपयांची वाढ करण्यात आली आहे. पहिले दिल्लीमध्ये Pulsar Neon ची एक्स-शोरुम किंमत 71,200 रुपये होती, आता ही किंमत 75,200 रुपये झाली आहे. तर, पल्सर 150 बाइक 998 रुपयांनी महाग झाली आहे. आधी Pulsar 150 ची दिल्ली एक्स-शोरूम किंमत 84,960 रुपये होती, आता ही किंमत वाढून 85,958 रुपये झाली आहे. 1,100 रुपयांनी महाग झाली Pulsar 180F - Pulsar 150 Twin Disc च्या किंमतीत 999 रुपयांची वाढ झाली आहे. या बाइकची एक्स-शोरूम किंमत आतापर्यंत 88,838 रुपये होती, पण किंमत वाढल्याने आता 89,837 रुपये झाली. तर, Pulsar 150 F च्या किंमतीत 1,100 रुपयांची वाढ झाल्याने ही बाइक आता 96,390 रुपयांमध्ये खरेदी करता येईल. Pulsar NS200 झाली 1,299 रुपयांनी महाग - Pulsar NS200 च्या किंमतीत 1,299 रुपयांची वाढ झाली असून ही बाइक आता 1 लाख 14 हजार 355 रुपयांमध्ये उपलब्ध आहे. याशिवाय, Pulsar 200 F च्या किंमतीत देखील 1,299 रुपयांची वाढ झाली आहे. परिणामी ही बाइक आता 1,08,327 रुपयांना झाली आहे. तसेच, Pulsar NS160 ची किंमतही 1,101 रुपयांनी वाढली आहे. Pulsar NS160 ची दिल्ली एक्स-शोरुम किंमत आतापर्यंत 93 हजार 094 रुपये होती. आता ही बाइक 94 हजार 195 रुपयांमध्ये खरेदी साठी उपलब्ध असेल. 1,197 रुपये महाग झाली Avenger 220 Cruise - बजाजची Avenger 220 Cruise बाइक 1,197 रुपयांनी महाग झाली आहे. 1 लाख 5 हजार 088 रुपये इतकी या बाइकची नवी किंमत आहे. तर, Avenger 160 Street च्या किंमतीत 998 रुपयांची वाढ झाल्याने ही बाइक 83 हजार 251 रुपये या नव्या किंमतीत खरेदी करता येणार आहे.
