Right Age to Be in a Relationship : जर तुम्ही एखाद्या मुलाबरोबर किंवा मुलीबरोबर रिलेशनशिपमध्ये येण्याचा विचार करीत असाल, तर ही बातमी तुमच्यासाठी आहे. हल्ली रिलेशनशिपमध्ये येणे, गर्लफ्रेंड वा बॉयफ्रेंड बनविणे, डेट करणे या खूप सामान्य बाबी झाल्या आहेत. त्यात यशस्वी झालेल्या व्यक्ती पुढे लग्नाचा विचार करतात. त्यालाच आपण ‘लव्ह मॅरेज’ म्हणतो.
आपण ‘लव्ह मॅरेज’ करण्यापूर्वी रिलेशनशिपमध्ये राहणे खूप गरजेचे आहे. पण, कोणत्या वयात रिलेशनशिपमध्ये यावे, हे तुम्हाला माहीत आहे का? आज आपण त्याविषयीच जाणून घेणार आहोत.
कोणत्याही व्यक्तीने रिलेशनशिपमध्ये येण्यासाठी घाई करू नये. त्यामुळे त्याच्या आणि पार्टनरच्या आयुष्यावर नकारात्मक परिणाम दिसून येऊ शकतो. रिलेशनशिपमध्ये येण्यासाठी दोन्ही व्यक्ती खूप समजूतदार असणे खूप जास्त गरजेचे आहे.
हेही वाचा : लग्नात वधू-वर एकमेकांना वरमाला का घालतात? ‘या’ प्रथेमागे नेमकं काय आहे कारण? जाणून घ्या…
कोणत्या वयात रिलेशनशिपमध्ये यावे?
रिलेशनशिपमध्ये येण्यासाठी योग्य वय हे २० नंतरचे आहे. वयाच्या विसाव्या वर्षानंतर चांगले-वाईट यातील फरक कळतो. व्यक्तीमध्ये समजूदारपणा दिसून येतो. एकमेकांना समजून घेणे, त्यांना सोपे होते. वयाच्या विसाव्या वर्षानंतर व्यक्तीला त्याच्या आयुष्यातील ध्येयांविषयी माहिती असते. त्यामुळे नाते आणि करिअर यांच्यात समतोल राखणे, त्यांना खूप सोपे जाते.
चुकूनही रिलेशनशिपमध्ये येऊ नये ‘या’ वयात
वयाच्या १३ ते १९ या वयात चुकूनही रिलेशनशिपमध्ये येऊ नये. या वयात करिअरवर फोकस ठेवावा आणि चांगले भविष्य घडवण्यासाठी मेहनत करावी. ज्या वयात अभ्यासाकडे लक्ष केंद्रित करण्याची आवश्यकता असते, त्या वयात रिलेशनशिपमध्ये आल्याने मुलांचा स्ट्रेस वाढू शकतो आणि अभ्यासाकडे पूर्णपणे दुर्लक्ष होऊ शकते.
(टीप : वरील लेख हा प्राप्त माहितीवर आधारित आहे)
