सॅमसंगच्या या फोनच्या किंमतीत झाली घट

सॅमसंग गॅलॅक्सी J 7 प्राइम हा फोन लाँच केल्यानंतर त्याची किंमत १८, ७९० रुपये होती. या किंमतीत ४, ८९० रुपयांची घट करण्यात आली असून तो आता ग्राहकांना १३,९०० रुपयांना उपलब्ध होणार आहे. याबरोबरच सॅमसंग गॅलॅक्सी J7 नेक्स्ट हा फोन ११,४९० रुपयांना होता. त्याची किंमत आता १ हजार रुपयांनी कमी करण्यात आली असल्याचे कंपनीने जाहीर केले आहे. सॅमसंग गॅलॅक्सी J 7 प्राइम या फोनची फिचर्स आकर्षक असून ग्राहकांमध्ये या फोनची बरीच चलती आहे. ३ जीबी रॅम असलेल्या या फोनला ३२ जीबी मेमरी देण्यात आली आहे. याशिवाय २५६ जीबीपर्यंत ही मेमरी एक्पांड करता येते. मोबाईलचा कॅमेरा ८ मेगापिक्सलचा असून अँड्रॉईड ६.०.१ हे व्हर्जन वापरण्यात येत आहे.

सॅमसंग गॅलॅक्सी J7 नेक्स्ट मध्ये ५.५ इंचाची स्क्रीन देण्यात आली असून याला एचडी सुपर एमोलेड डिस्प्ले देण्यात आला आहे. या फोनची रॅम २ जीबी असून फोनची इंटरनल मेमरी १६ जीबी आणि एक्स्पांडेबल मेमरी २५६ जीबी आहे. या फोनमध्ये फ्लॅश असलेला १३ मेगापिक्सलचा कॅमेरा देण्यात आला आहे. तर सेल्फी आणि व्हिडिओ कॉलिंगसाठी फोनमध्ये एलईडी फ्लॅश आणि ५ मेगापिक्सलचा कॅमेरा देण्यात आला आहे.