एसबीआयने ज्येष्ठ नागरिकांना दिली भेट! मार्च २०२२ पर्यंत ‘या’ विशेष योजनेचा घेता येणार लाभ

योजनेची तारीख पुढे ढकलली

एसबीआयने आपल्या वेबसाइटवर नमूद केले आहे की किरकोळ मुदत ठेव विभागातील ज्येष्ठ नागरिकांसाठी एक विशेष एसबीआय वेकेअर डिपॉझिट सादर करण्यात आले आहे, ज्यात ज्येष्ठ नागरिकांना त्यांच्या किरकोळ मुदत ठेवींवर पाच वर्ष आणि त्याहून अधिक कालावधीसाठी अतिरिक्त ०.30 टक्के व्याज दर दिले जाईल. आता ही एसबीआई वीकेय ठेव योजना ३१ मार्च २०२२ पर्यंत वाढवण्यात आली आहे.

व्याज दर काय आहेत?

ज्येष्ठ नागरिकांसाठी एसबीआयची विशेष एफडी योजना ‘वी-केअर’ ज्येष्ठ नागरिकांना त्यांच्या एफडीवर ५ वर्ष आणि त्याहून अधिक कालावधीसाठी अतिरिक्त ३० बीपीएस व्याज दर देते. सध्या, एसबीआय सामान्य जनतेसाठी पाच वर्षांच्या एफडीवर ५.४% व्याज दर देते. जर ज्येष्ठ नागरिकांनी विशेष एफडी योजनेअंतर्गत मुदत ठेव केली तर एफडीवर लागू होणारा व्याज दर ६.२० % असेल. हे दर ८ जानेवारी २०२१ पासून लागू आहेत.
अन्य बँकांमध्येही योजना

एसबीआय व्यतिरिक्त, एचडीएफसी बँक, बँक ऑफ बडोदा (बीओबी) आणि एक्सिस बँक सारख्या बँकेनेही देखील ज्येष्ठ नागरिकांसाठी ही विशेष एफडी योजना आणली होती आणि त्यानंतर ती अनेक वेळा वाढवली होती. एचडीएफसी बँक आणि बीओबीच्या वेबसाइटनुसार, या योजना ३० सप्टेंबर २०२१ पर्यंत वाढवण्यात आल्या आहेत. तथापि, आयसीआयसीआय बँकेचे पोर्टल म्हणते की ज्येष्ठ नागरिकांसाठी त्याची सुवर्ण वर्ष एफडी ७ ऑक्टोबर २०२१ पर्यंत वैध आहे.