आपल्या आराध्या देवासमोर रोज पूजा करण्यासाठी वेगवेगळ्या अशा सुगंधी अगरबत्तींचा वापर आपण करतो. पण, हीच अगरबत्ती आपल्या आरोग्याला धोकादायक आहे हे तुम्हाल माहित आहे का? दररोज अगरबत्ती लावणा-या घरांमधील हवा प्रदूषित होते. त्यामुळे फुप्फुसांच्या पेशींना सूज येऊ शकते.
उत्तर कॅरोलिना विद्यालयातील गिलिंक्स स्कूल ऑफ ग्लोबल पब्लिक हेल्थमध्ये झालेल्या अभ्यासक्रमानुसार, अगरबत्ती जाळल्याने कार्बन मोनोक्साई़डसारख्या प्रदूषण वाढवणा-या वायूचे उत्सर्जन होते. तसेच, दमा हा आजार असलेल्यांना अगरबत्तीच्या वासाने आणि धुराने त्रास होतो. जगभरात श्वसन रोगांमुळे दरवर्षी जवळपास १० लाख लोकांचा मृत्यू होतो. याचे मुख्य कारण स्वयंपाकासाठी वापरण्यात येणा-या स्टोव्हमधून निघणारे प्रदूषणकारक गॅसेस हे आहेत.
