पब्जी मोबाइलनंतर आता भारतात पुन्हा लॉन्च होणार SHEIN ऑनलाइन शॉपिंग प्लॅटफॉर्म!

कधी, कसं आणि कुठे वापरता येणार शीन (SHEIN )?

अॅमेझॉन प्राइम डे सेलच्या दरम्यान शीन भारतात अॅमेझॉनवर पुन्हा लॉन्च होईल. आधीसारखे शीनचे स्वतंत्र अ‍ॅप असणार नाही. अॅमेझॉन प्राइम डे सेल २०२१ २६ जुलैच्या मध्यरात्र पासून देशात सुरू होईल आणि २७ जुलै पर्यंत सुरू राहील. सेल दरम्यान काही श्रेणीतील अनेक उत्पादने मोठ्या प्रमाणात सवलतीत उपलब्ध असतील.

प्रसिद्ध शीन अ‍ॅपबद्दल..

गेल्या वर्षी याच काळात पब्जी मोबाइल आणि टिकटॉक सारख्या लोकप्रिय अॅप्ससह शीन ऑनलाइन शॉपिंग अॅपवर भारतात बंदी घालण्यात आली होती. बंदीनंतर लवकरच चीनचे ऑनलाइन शॉपिंग अ‍ॅप दोन्ही गुगल प्ले स्टोअर तसेच अॅपल अ‍ॅप स्टोअर वरून काढले गेले. शीन नेहमीच तरुणींनमध्ये लोकप्रिय होते. या अॅपवर शेकडो प्रकारच्या स्टाईलचे कपडे तेही बजेटमध्ये उपलब्ध असायचे. कॉलेज विद्यार्थिनी आणि युट्युबर्समध्ये हे अॅप प्रसिद्ध होते. युट्युबवरती आजही या अॅपच्या कपड्यांवरचे व्हिडिओ उपलब्ध आहेत.