पाय मोडला तरी शिल्पा शेट्टी करतेय योगा; गुडघेदुखीचा त्रास असणाऱ्यांनी एकदा बघाच

शिल्पा शेट्टीने सांगितली गुडघेदुखी असणाऱ्यांसाठी आसने

पर्वतासन: मन आणि शरीराला शांती, सामर्थ्य आणि ऊर्जा प्रदान करणारे हे सर्वात सोपे आणि प्रभावी योगासन आहे. त्याला ‘माउंटन पोझ’ असेही म्हणतात. जर आपण सूर्यनमस्कार करत असाल तर तुम्हाला हे आसन ओळखीचे वाटेल. डोक्यावर नेलेले हात हे निमुळत्या होत गेलेल्या पर्वताच्या टोकाप्रमाणे भासतात. म्हणून या आसनाला ‘पर्वतासन’ असे म्हणतात.

उत्थिता पार्श्वकोनासन: हे योगासन आरोग्य आणि हृदयासाठी चांगले आहे कारण ते हृदयाच्या स्नायूंना पुरेसा व्यायाम व लवचिकता प्रदान करते. गुडघ्याला दुखापत, कमकुवत स्नायू यांसारख्या पायांच्या समस्या दूर करण्यातही याची मदत होते.

भारद्वाजासन: या आसनाच्या नियमित सरावाने पचनक्रिया सुधारते. भारद्वाजाच्या ट्विस्टमुळे नितंबाची लवचिकता वाढते, पाठीचा कणा मजबूत होतो, अंतर्गत अवयवांची मालिश होते आणि संधिवाताच्या वेदना कमी होतात

शिल्पा शेट्टी इंस्टाग्राम

शिल्पाने पोस्टमध्ये सांगितल्याप्रमाणे ज्यांना जमिनीवर बसता येत नाही, गुडघेदुखी किंवा पाठदुखीचा त्रास होत असेल ते खुर्चीवर बसून सुद्धा ही आसने करू शकतात. ही आसने पाठीचा कणा आणि पाठीच्या स्नायूंची लवचिकता मजबूत करण्यासाठी फायदेशीर आहेत. तुमच्या शरीराची हालचाल झाल्याने आजारपणात अपचनाचा त्रास जाणवणार नाही. तथापि, गरोदरपणात तिसरी मुद्रा ‘भारद्वाजासन (ट्विस्टिंग पोझ)’ टाळली पाहिजे.