करोना काळात राज्यातील शाळा आणि कॉलेज पूर्णतः बंद ठेवण्यात आल्या होत्या. मात्र १० वी आणि १२ वीच्या परीक्षा रद्द करून निकाल जाहीर केले. त्यानंतर यंदाच्या वर्षी १०वी व १२वी मध्ये असलेल्या विद्यार्थी यांना करोना प्रादुर्भावाच्या पार्श्वभूमीवर सीबीएसई आणि सीआयएससीईने यंदा होणाऱ्या बोर्ड परीक्षेच्या पद्धतीत काही महत्त्वाचे बदल करण्यात आले आहेत. मात्र सहा विद्यार्थ्यांच्या गटाने याबाबत सर्वोच्च न्यायालयात याचिका दाखल केली असून ऑनलाइन आणि ऑफलाइन अशा दोन्ही पद्धतीने परीक्षा देण्याची सुविधा उपलब्ध करण्याची मागणी यावेळी केली गेली आहे. या मागण्यांना सोशल मीडियाच्या माध्यमातून जोरदार पाठिंबा मिळत आहे. तसेच सर्व विद्यार्थ्यांचं लसीकरण पूर्ण करावे अशी मागणी करण्यात आली आहे. या याचिकेवर सर्वोच्च न्यायालयाचे न्यायमूर्ती ए. एम. खानविलकर आणि न्यायमूर्ती सी. टी. रवी कुमार यांच्या खंडपीठासमोर १८ नोव्हेंबर रोजी सुनावणी होणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
