मॉडर्न युगाचे मॉडर्न पेरेंटिंग: मुलांना चांगले संस्कार देण्यासाठी ‘या’ पाच टिप्स लक्षात ठेवा

मॉडर्न पेरेंटिंग टीप १ – मुलांसाठी वेळ काढा

आई-वडिलांनी आपल्या मुलांना वेळ देणं हे अत्यंत महत्वाचं असतं. मुलांनादेखील आई-वडील आपल्यासाठी वेळ काढतात ही गोष्ट महत्वाची वाटते. त्यांच्याकडे लक्ष द्या, त्यांच्या सोबत संवाद साधा, त्यांचे विचार ऐका व आपले विचार त्यांना सांगा.

हेही वाचा : विश्लेषण : पुरुषांसाठीचे गर्भनिरोधक इंजेक्शन कितपत फायदेशीर? विपरीत परिणाम कोणते?

टीप २ – नियम हे हवेच.

बऱ्याचदा मुलं आपल्या पालकांचं न ऐकता आपली मनमानी करायला लागतात, हट्टी बनतात. असा स्वभाव लहान मुलांमध्ये जास्त दिसून येतो. अशावेळी त्यांच्या या वागण्याला आळा घालण्यासाठी तुम्ही त्यांच्यासाठी काही नियम तयार केले पाहिजे.

टीप ३ – अति लाड नको

नव्या युगातील पालक आपल्या मुलांचे सगळे लाड पुरवतात. पण, हे लाड अति होत नाहीत ना याची खात्री करा. कारण मुलांचं सतत ऐकल्याने त्यांना कोणाचाही धाक राहत नाही. त्यामुळे मोठे झाल्यानंतर जेव्हा बाहेरच्या जगात त्यांना साधारण वागणूक मिळते तेव्हा त्यांना काय करावं हे समजत नाही.

हेही वाचा : तुमच्या मुलांमध्ये नेतृत्व कौशल्य कसे निर्माण करावे? पालक म्हणून लहानपणीपासूनच करा ‘हे’ संस्कार

टीप ४ – तुम्हीच आहात मुलांचा खरा आदर्श

लहान मुलं आपल्या पालकांचं अनुकरण करतात. म्हणून तुम्ही जे त्यांना सांगताय तेच तुम्हीदेखील करत आहात की नाही हे एकदा बघा. त्यांना चांगल्या सवई लावताना तुम्हीसुद्धा त्या फॉलो करा, तरच तुम्ही त्यांचे खरे आदर्श बनाल.

टीप ५ – स्वतःची युनिक पॅरेंटिंग स्टाईल असूद्या

पालकांनो, प्रत्येक मूल हे वेगळं असतं, त्यामुळे इतर पालक जर एका पॅरेंटिंग स्टाईलचा वापर करत असतील तर तीच तुम्हीसुद्धा वापरावी हे गरजेचं नाही, हे समजून घेणं खूप महत्वाचं आहे. कोणाच्याही इन्फ्ल्यूएंसमध्ये न येता आपल्या मुलांना काय आवडतंय याचा विचार करून त्यांना वळण लावण्यासाठी तुमची एक युनिक पद्धत ठरवा.