Benefits of almond oil for skin : बदामाचे तेल त्वचेसाठी खूप फायदेशीर मानले जाते. यामध्ये असलेले औषधी गुणधर्म त्वचेच्या समस्या दूर करतात. बदामाच्या तेलामध्ये व्हिटॅमिन ए, ई, डी, कॅल्शियम, पोटॅशियम, जस्त, लोह, मॅंगनीज, फॉस्फरस आणि ओमेगा-3 फॅटी ऍसिड असतात. हे सर्व त्वचेला आवश्यक पोषण देतात.
त्वचा चमकेल
रात्री झोपण्यापूर्वी बदामाचे तेल कोणत्याही मॉइश्चरायझिंग लोशनमध्ये मिसळून चेहऱ्याला लावा. हे नियमितपणे लावल्याने चेहऱ्यावर चमक येईल.
चेहऱ्यावर मसाज करा
रात्री झोपण्यापूर्वी बदामाच्या तेलानेही चेहऱ्याला मसाज करू शकता. यासाठी हातावर तेलाचे काही थेंब घेऊन तळवे एकत्र चोळा. यानंतर चेहऱ्याला हलक्या हातांनी मसाज करा.
स्ट्रेच मार्क्स आणि सुरकुत्यावर उपयुक्त
स्ट्रेच मार्क्सच्या समस्येतही बदामाचे तेल लावल्याने फायदा होईल. यामध्ये व्हिटॅमिन ई असते, ज्यामुळे त्वचेवरील सुरकुत्याही दूर होतात.
आणखी वाचा : Good News For 5 Rashi: ६८ दिवस बुध मकर राशीत राहील, ५ राशींना नोकरी आणि व्यवसायात चांगला फायदा होईल
त्वचा हायड्रेटेड ठेवा
बदामाचे तेल नैसर्गिक मॉइश्चरायझर म्हणून काम करते. यामुळे त्वचा हायड्रेट राहते. हिवाळ्यात कोरड्या हवेमुळे त्वचेचे नुकसान होऊ शकते. बदामाचे तेल लावल्याने त्वचेला फायदा होतो.
