पावसाळ्यात घ्या पायांची खास काळजी, जाणून घ्या या ५ टिप्स | Take special care of your feet in the rainy season, know these 5 tips

पावसाळ्यात पायांची विशेष काळजी घेणं आवश्यक आहे. त्यासाठी जाणून घ्या अशा काही टिप्स ज्यामुळे तुम्ही तुमच्या पायांची काळजी चांगल्या प्रकारे घेऊ शकता.

पावसाळ्यात पायांची घ्या विशेष काळजी ( फोटो : pexeles )

पावसाळा ऋतू सर्वांना आवडतो. पावसाळ्यातील मातीचा सुगंध आणि वातावरणातील थंडावा सर्वांना हवाहवासा वाटतो. मात्र , पावसाळा जितका आनंददायी असतो तितकाच तो आरोग्य आणि सौंदर्याच्या समस्याही घेऊन येतो. पावसाळ्यात अनेक संसर्ग पसरतात त्यामुळे आजारही उद्भवतात. यावेळी स्वतःची विशेष काळजी घेणं आवश्यक असते. पावसाळ्यात आपला सतत पाण्याशी संपर्क येत असतो. त्यामुळे पावसाळ्यात काही वेळा तुमचे पाय खराब होतात आणि त्यांचे सौंदर्य कमी होते. हे टाळण्यासाठी तुम्हाला पावसाळ्यात पायांची काळजी घेणं आवश्यक असते. तर जाणून घ्या पावसाळ्यात पायांची काळजी कशी घ्यावी.

पावसाळ्यात पायांची काळजी कशी घ्यावी?

१) पावसाळ्यात दिवसातून तीन वेळा पाय साबण लावून कोमट पाण्याने स्वच्छ करा. त्यानंतर त्यांना थंड पाण्याने पुन्हा धुवा. कोरड्या टॉवेलने पाय वाळल्यानंतर, फूट क्रीम लावा आणि मसाज देखील करा. पाय घाण होणार नाहीत याची विशेष काळजी घ्या.

आणखी वाचा

Fight Winter Cold Cough with lemon and clove water

Fight Winter Cold, Cough : घसा खवखवतोय, सर्दीसुद्धा झाली आहे? मग सकाळच्या कॉफीऐवजी ‘या’ पेयाने करा तुमच्या दिवसाची सुरुवात

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Five detox tips for rejuvenate your body

Post Diwali Detox Tips : सणासुदीला भरपूर गोड, तेलकट पदार्थ खाल्ले का? मग शरीर डिटॉक्स करण्यासाठी करून पाहा हे पाच उपाय

अवघ्या काही मिनिटांत बनवा दुधी भोपळ्याची पौष्टिक बर्फी; वाचा साहित्य आणि कृती…

चविष्ट आणि पौष्टिक मटार पुरी अवघ्या काही मिनिटांत बनवा; जाणून घ्या साहित्य आणि कृती

quickly make delicious egg cutlets Read materials and actions

व्हेज कटलेट खाऊन कंटाळा आलाय? मग झटपट बनवा अंड्याचे स्वादिष्ट कटलेट; वाचा साहित्य आणि कृती

घरात डासांचा सुळसुळाट वाढतोय? केळीच्या सालीचा ‘हा’ सोपा उपाय डासांचा करेल नायनाट

Can even 1.5 grams of weight gain increase the risk

१.५ ग्रॅम वजन वाढल्यानेही वाढू शकतो मधुमेहाचा धोका? तज्ज्ञांचे मत काय…

२) वेळोवेळी पाय धुत राहा. घाणेरडे मोजे वापरू नका. जर तुम्ही घरी पेडीक्योर करत असाल तर तुम्ही वापरत असलेली उत्पादने तुमच्या पायांसाठी योग्य आहेत याची खात्री करून घ्या. पाय दगडाने चांगले घासून स्वच्छ करा. बोटांच्या दरम्यान विशेष स्वच्छता करा.

३) या ऋतूमध्ये, विशेषत: घोटा घासून स्वच्छ करा. चांगल्या दर्जाचे फूट स्क्रबर वापरा. झोपण्यापूर्वी आपले पाय चांगले धुवून झोपी जा. यासोबतच मॉइश्चरायझरही लावा, जेणेकरून पाय मऊ राहतील. या ऋतूमध्ये नखे जास्त लांब ठेवू नयेत. लांब नखंही अनेक आजारांना आमंत्रण देतात.

४) नखांमध्ये घाण साचली तर ती बॅक्टेरियांना आमंत्रण देते. पायाला सूज येत आहे असे वाटत असेल तर तुरटीच्या कोमट पाण्यात १५ ते २० मिनिटे पाय बुडवून ठेवा. जर पायांना खूप सूज येत असेल तर आठवड्यातून ३ किंवा ४ वेळा हे नक्की करा. यामुळे पायांच्या सुजेवर नक्कीच आराम मिळेल. बराच वेळ आराम मिळत नसेल तर डॉक्टरांचा सल्ला घ्या.

५) पावसाळ्यात चांगली पावसाळी चपला वापरा. शूज वैगरे घालणे टाळा. शूजमुळे पाणी साचून पाय खराब होऊ शकतात. त्यामुळे पायांचे आजार उद्भवण्याची शक्यता जास्त असते. पावसाळ्यात जास्त पाण्यात वावरू नका , त्यामुळे तुमच्या पायांना त्रास होण्याची शक्यता असते. त्यामुळे शक्य होईल तेवढे पाय कोरडे ठेवा.

या टिप्सचा अवलंब करून तुम्ही तुमचे पाय ताजे आणि निरोगी ठेवू शकता.

First published on: 14-06-2022 at 17:12 IST

Web Title: Take special care of your feet in the rainy season know these 5 tips gps