Weight loss tips : तुम्हाला तुमचे वजन वाढण्याची चिंता सतावत आहे का? नुसती काळजी करू नका त्याऐवजी यावर उपाय आहे याचा विचार करा. तुम्हाला जर खरोखर वजन कमी करण्याची इच्छा असेल तर आम्ही तुमची मदत करायला तयार आहोत. येथे आम्ही तुम्हाला काही टिप्स सांगणार आहोत ज्याच्या मदतीने तुम्ही वजन कमी करू शकता तेही जीमला न जाता. होय तुम्ही योग्य तेच ऐकत आहात. वजन कमी करण्यासाठी तुम्हाला जीमला जाण्याची आवश्यकता नाही. रोजच्या धावपळीत तुम्हाला जीमला जायला वेळ मिळत नसेल तर चिंता करू नका.
आजकालच्या धकाधकीच्या जीवनामध्ये बरेचसे लोक आरोग्याकडे दुर्लक्ष करतात. एकाच जागी तासनतास बसून काम करणे, जेवणाच्या वेळा न पाळणे अशा वाईट सवयी लोकांना लागल्या आहेत. यामुळे एकूण वजनाशी संबंधित समस्या वाढल्याचे लक्षात येते. भारतामध्ये असंख्य लोक स्थूलपणाचा सामना करत आहेत. वजन कमी व्हावे म्हणून अनेक उपाय करत आहेत. आहार संतुलित असेल तर शरीरही निरोगी राहते आणि वजनही कमी होऊ लागते. स्वयंपाकघरातील अनेक वस्तू वजन कमी करण्यासाठी सिद्ध होतात, त्यापैकी एक दालचिनी आहे. दालचिनीचे योग्य प्रकारे सेवन केल्यास पोटाची चरबी कमी होऊ शकते. दालचिनीच्या मदतीने वजन कमी होणे व निरोगी आरोग्य कसे राहू शकते हे पाहुयात.
हेही वाचा : Health Tips: डोळ्यांना अस्पष्ट दिसत आहे? दृष्टी सुधारण्यासाठी करा ‘हे’ तीन सोपे उपाय
दालचिनी हा असा मसाल्याचा प्रकार आहे जो चहापासून अनेक पदार्थांमध्ये वापरला जातो. दालचिनी चवीला सौम्य गोड आणि कडू चव असते. तिचा मोहक असा वास असतो. वजन कमी करण्यासाठी तुम्ही दालचिनीचा तुमच्या आहाराचा एक भाग बनवू शकता.
वजन कमी करण्यासाठी दालचिनीचा वापरून करून चहा तयार करता येऊ शकतो. हा चहा तयार करण्यासाठी तुम्हाला एक कप पाणी, एक चमचा मध, एक चमचा लिंबाचा रस आणि दालचिनीची एक लहानसा तुकडा असे साहित्य वापरावे लागेल. सर्व प्रथम एक भांड्यामध्ये पाणी घेऊन त्यात दालचिनी टाकल्यानंतर ते पाणी उकळावे. नंतर ते पाणी गाळून घ्या. तसेच त्यात लिंबाचा रस आणि मध मिसळून मिश्रण एकत्रित करावे. हा चहा दररोज सकाळी रिकाम्या पोटी प्यावा. यामुळे वजन क्कमी होण्यास मदत होऊ शकते.
तसेच दालचिनी कॉफीमध्ये मिसळून देखील पिता येऊ शकते. यामुळे कॉफीची चव सुधारते आणि दालचिनीचे सेवन देखील आरोग्यासाठी चांगले असते.
दालचिनीचा वापर करून वजन कमी करण्याचा म्हणजे दालचिनीचे पाणी तयार पिऊन शकता. दालचिनीचे पाणी तयार करण्यासाठी एका ग्लासमध्ये पाणी घेऊन दालचिनीची काडी किंवा अर्धा चमचा दालचिनी मिसळून रात्रीच्या जेवणानंतर अर्ध्या तासाने प्यावे. लक्षात ठेवा दालचिनीचे पाणी प्यायल्यानंतर तुम्ही दुसरे काहीही खाऊ नये.
दालचिनी भाजी, स्मूदी, हॉट चॉकलेट किंवा अन्य शेक यामध्ये देखील वापरता येऊ शकते. यामुळे यामुळे शरीरावर चांगला परिणाम होतो. फक्त विशेष काळजी घ्या की तुम्ही दालचिनीचे जास्त प्रमाणात सेवन करू नका, अन्यथा त्याचा तुमच्या आरोग्यावर विपरीत परिणाम होऊ शकतो.
(टीप : वरील लेख हा प्राप्त माहितीवर आधारित आहे.)
