Teacher’s Day 2022: दरवर्षी ५ सप्टेंबर ‘शिक्षक दिन’ म्हणून का साजरा करतात? जाणून घ्या इतिहास आणि महत्त्व

शिक्षक दिनाचा इतिहास

भारताचे दुसरे राष्ट्रपती डॉ. सर्वपल्ली राधाकृष्णन यांचा जन्मदिवस हा ५सप्टेंबरला असतो आणि हाच दिवस शिक्षक दिन म्हणून साजरा करण्यात येतो. डॉ. सर्वपल्ली राधाकृष्णन यांनी राजकारणात आपल्या कामाचा ठसा उमटवला. त्याचसोबत त्यांनी भारताचे उपराष्ट्रपती आणि राष्ट्रपती अशी दोन्ही पदे भूषविली होती. असे असून सुद्धा त्यांनी शेवटपर्यंत आदर्श शिक्षकाची ओळख जपली. म्हणूनच त्यांच्या स्मरणार्थ ५ सप्टेंबर हा दिवस शिक्षक दिन म्हणून साजरा केला जाऊ लागला. भारतामध्ये सर्वप्रथम सन १९६२ मध्ये शिक्षक दिन साजरा करण्यात आला.

( हे ही वाचा; विद्यार्थ्यांनो सावधान! शिक्षकदिनी ‘या’ चुका अजिबात करू नका)

शिक्षक दिनाचे महत्त्व (Teachers Day Importance)

विद्यार्थ्यांच्या जीवनात शिक्षक दिनाचे महत्त्व खूप आहे. कारण शिक्षक विद्यार्थ्याचे भविष्य घडवण्याचे आणि त्यांना योग्य मार्ग दाखवतो. तो विद्यार्थ्याला चांगल्या आणि अयोग्यची समज शिकवतो. अशा परिस्थितीत, विद्यार्थ्याला या महत्वाच्या दिवशी शिक्षकाच्या या मेहनतीबद्दल आभार मानण्याची संधी मिळते. म्हणून हा दिवस सर्व विद्यार्थ्यांसाठी खूप खास मानला जातो.

या दिवशी कोणते काम करावे?

या दिवशी शाळा, महाविद्यालये आणि विद्यापीठांमध्ये विविध कार्यक्रम असले तरी शिक्षकांचा आदर केला जातो, परंतु विद्यार्थी किंवा कर्मचारी म्हणून आपण या दिवशी एक महत्त्वाची गोष्ट केली पाहिजे आणि ती म्हणजे आपल्या शिक्षकांशी संपर्क साधणे. तसेच त्यांचे आभार मानणे. आज तुम्ही ज्या ठिकाणी आहात तिथे त्याने एक विशेष आणि मोठी भूमिका का बजावली आहे.