जगातील सर्वात श्रीमंत व्यक्ती आणि टेस्लाचे सीईओ एलॉन मस्क हे नेहमीच आपल्या हटके कृत्यांमुळे चर्चेत असतात. त्यांनी सोशल मीडिया कंपनी ट्विटरला विकत घेण्याची इच्छा व्यक्त केली होती. पण दोघांमधील विक्रीचा करार फिस्कटला आणि प्रकरण थेट न्यायालयात गेले. एलॉन यांनी रशिया युक्रेन युद्धावर शांततेचा मार्ग देखिल सुचवला होता. त्यांनी ट्विट करून मार्ग सूचवला होता, ज्यावर चांगलीच चर्चा रंगली. कोणत्या न कोणत्या कारणाने चर्चेत असलेले मस्क आता फिटनेसमुळे चर्चेत आले आहे. एलॉन यांनी आपल्या फिटनेसविषयी खुलासा केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

विगोवी आणि उपवास हे आपल्या निरोगी आयुष्याचे रहस्य असल्याचे मस्क यांनी सांगितले. मस्क हे ५१ वर्षांचे आहेत. मात्र या वयात देखिल ते तरुण वाटतात. अनेकांना त्यांच्या फिटनेसबाबत कुतूहल वाटते. या कुतूहलापोटी @EvasTeslaSPlaid नावाच्या ट्विटर युजरने मस्क यांना त्यांच्या फिटनेसविषयी विचारले. तुम्ही निरोगी आणि तंदुरुस्त दिसता, या मगचे रहस्य काय असा प्रश्न या यूजरने केला होता. त्यावर मस्क यांनी आपण उपवास करत असल्याचे म्हटले. त्याचबरोबर त्यांनी एका औषधीचाही उल्लेख केला. विगोवी असे या औषधीचे नाव आहे.

(आत्मविश्वासाने देऊ शकाल भाषण, केवळ ‘हे’ उपाय करा, टाळ्यांचा होईल कडकडाट)

काय आहे वेगोवी?

अमेरिकेच्या फुड अँड ड्रग अ‍ॅडमिनिस्ट्रेशनने गेल्या वर्षी विगोवी या औषधीला वजन कमी करण्याची औषध म्हणून मान्यता दिली होती. या औषधीचा वापर मधुमेहाच्या उपचारासाठी होते, मात्र आती ती वजन कमी करण्याची औषध म्हणून लोकप्रिय होत आहे.

विगोवी ही औषध डेन्मार्क येथील औषध निर्मिती कंपनी नोवो नोरडिस्कच्या सेमाग्लूटाईड या औषधीचे अपडेटेड व्हर्जन आहे, जे शरिरात भूक निर्माण करणाऱ्या संप्रेरकांना नियंत्रित करते आणि पाचनक्रिया मंदावते, त्यामुळे दीर्घकाळ भूक लागत नाही. वजन अधिक असलेल्या व्यक्तीला आठवड्यातून एकदा ही औषध दिली जाते. ही औषधी ६८ आठवड्यांमध्ये १५ ते २० टक्के वजन कमी करते असे एका अहवालात सांगण्यात आले होते.

(उच्च कोलेस्टेरॉलमुळे होऊ शकतात हृदयाचे विकार, कमी करण्यासाठी आहारामध्ये ‘या’ पदार्थांचा करा समावेश)

केवळ हे लोकच करू शकतात वापर

विगोवी केवळ अशा लोकांना दिली जाते जे खूप लठ्ठ आहेत आणि ज्यांचे वजन लठ्ठपणाच्या निर्धारित मानकांपेक्षा अधिक आहे. तसेच ती टाईप २ मधुमेह आणि उच्च कोलेस्टेरॉल असलेल्या लोकांना दिली जाते. डॉक्टरच्या सल्ल्यानुसार आणि निर्देशानुसार या औषधीचा वापर केला जाऊ शकतो.
अमेरिकेचे संकेतस्थळ व्हेराईटीनुसार, अनेक सेलिब्रिटी वजन कमी करण्यासाठी या औषधीचा वापर करत आहे, ज्यामुळे तिचा तुटवडा देखील जाणवत आहे.

या औषधीच्या मासिक डोसचा खर्च ९८ हजार रुपये सांगितली जातो. वजन कमी करण्यासाठी या औषधीचा वापर करताना एफडीए कमी कॅलरी असणारे पदार्थ खाण्यासह व्यायाम करण्याचा सल्ला देते. औषधीचे सेवन केल्यानंतर रुग्णाला उल्टी किंवा डायरिया सारखे साइड इफेक्ट्स होतात, जे काही काळानंतर बरे होतात.