‘या’ ३ सुक्या मेव्याचे सेवन आयुष्य वाढवेल; फक्त दिवसातून किती खाल्ले पाहिजे ते जाणून घ्या

काजू खाल्ल्याने हृदयाच्या आजारांपासून बचाव होतो. नुकत्याच झालेल्या एका संशोधनानुसार रोज सुक्या मेव्याचे सेवन केल्याने आरोग्य सुधारते. अभ्यासानुसार, मूठभर काजू खाल्ल्याने आयुष्य वाढते आणि मधुमेह नियंत्रणात राहतो. नटांमध्ये असलेले पोषक घटक जसे की निरोगी चरबी, ओमेगा ३, फायबर, चांगले प्लांट फिनॉल आणि काही संयुगे मेंदू, त्वचा, नखे आणि केसांसाठी फायदेशीर आहेत. नटांचे सेवन केल्याने मधुमेह आणि कोलेस्ट्रॉल नियंत्रणात राहते का ते जाणून घेऊया.

बदाम

बदामाचे सेवन आरोग्यासाठी खूप फायदेशीर असले तरी त्यामध्ये फॅट आणि कॅलरीजचे प्रमाणही जास्त असते. जर तुम्ही प्रत्येक वेळी बदाम खात असाल तर ही सवय बदला, कारण ३० ग्रॅम बदामामध्ये १६३ कॅलरीज आणि १४ ग्रॅम फॅट असते, ज्यामुळे हृदयाच्या आरोग्याला हानी पोहोचते. परंतु बदाम मर्यादित प्रमाणात सेवन केल्यास शरीरातील व्हिटॅमिन ईची कमतरता पूर्ण होऊ शकते.

( हे ही वाचा: ‘हे’ ५ पदार्थ ५०% यूरिक ॲसिड झपाट्याने काढून टाकतील; जाणून घ्या यादी)

व्हिटॅमिन ई आपल्या पेशींच्या भिंतींचे ऑक्सिडेटिव्ह तणाव आणि नुकसानापासून संरक्षण करते. आतड्यांच्या आरोग्याला चालना देण्यासाठी, हृदयाचे रक्षण करण्यासाठी, कोलेस्टेरॉल आणि रक्तातील साखरेवर नियंत्रण ठेवण्यासाठी तुम्ही याचे सेवन माफक प्रमाणात करू शकता.

काजू

मलईदार काजू, ज्याचा वापर आपण ग्रेव्हीला चवदार बनवण्यासाठी करतो. दिवसातून फक्त पाच काजू खाण्याचा सल्ला तज्ज्ञ देतात. काजू हे प्रथिने, फायबर, मॅग्नेशियम, मॅंगनीज आणि जीवनसत्त्वे यांचा चांगला स्रोत आहे जे शरीराला निरोगी ठेवते. मर्यादित प्रमाणात काजू खाणे आरोग्यासाठी फायदेशीर आहे.

अक्रोड

अँटिऑक्सिडंट्स आणि ओमेगा ३ फॅटी अॅसिडने समृद्ध अक्रोड खाल्ल्याने लाखो आरोग्य फायदे आहेत. एका अभ्यासानुसार याचे सेवन केल्याने हृदयाच्या आजारांपासून बचाव होतो. याचे सेवन केल्याने टाइप २ मधुमेहावर उपचार करता येतात आणि कर्करोगाचा धोका कमी करता येतो. तरुण व्यक्तीसाठी दररोज सात अक्रोड खाणे फायदेशीर आहे. जास्त अक्रोड खाल्ल्याने पोटसंबंधीत त्रास होऊ शकतो. या आवश्यक सुक्या मेव्याचा मर्यादित वापर आरोग्यासाठी फायदेशीर आहे.