‘या’ आर्थिक योजना महागाईतही देतात मोफत विमा,जाणून घ्या अर्ज कसा करावा

EPF मध्ये सात लाख कव्हर उपलब्ध

नोकरदार लोकांना EPF खाते असल्‍यावर सात लाख रुपयांपर्यंतचे मोफत जीवन विमा संरक्षण मिळते. यामध्ये ईपीएफ सदस्यांना किंवा सदस्यांना कोणताही प्रीमियम भरावा लागणार नाही. त्याऐवजी, जर तुम्ही ईपीएफ खातेधारक असाल तर तुम्हाला याचा लाभ विनामूल्य मिळेल.

( हे ही वाचा: ‘या’ चार राशीच्या लोकांना वाटते लग्नाची भीती, जीवनसाथी शोधण्यासाठी लागतो जास्त वेळ )

जन-धन खात्यावर विमा

सामान्य लोकांना सरकारी अनुदानाची सुविधा उपलब्ध करून देण्यासाठी, सरकारने जन-धन खाती शून्य बॅलन्सवर उघडली आहेत. या खातेदारांना सरकारकडून एक लाख रुपयांचा अपघाती विमा मिळतो. यासोबतच जन धन खात्याच्या रुपे डेबिट कार्डवर ३० हजार रुपयांचा जीवन विमाही उपलब्ध आहे.

( हे ही वाचा: हिवाळ्यात ओठ फाटण्याच्या समस्येने तुम्ही हैराण आहात का? करा ‘हे’ घरगुती उपाय )

प्रधानमंत्री सुरक्षा विमा योजना

ही योजना १८ ते ७० वर्षे वयोगटातील लोकांसाठी आहे. प्रधानमंत्री सुरक्षा विमा योजनेंतर्गत, अपघाती मृत्यू किंवा एकूण अपंगत्वावर दोन लाख रुपयांचे संरक्षण फक्त १२ रुपयांच्या वार्षिक प्रीमियमवर उपलब्ध आहे. आंशिक अपंगत्वावर रु. एक लाख कव्हर उपलब्ध आहे.

LPG कनेक्शनवर ५० लाख कव्हर

तुम्ही जे LPG कनेक्शन वापरता. त्यावर, अपघात झाल्यास सरकारकडून ५० लाख रुपयांपर्यंतचा अपघाती विमा उपलब्ध आहे. एलपीजी सिलेंडरमधून गॅस गळती किंवा स्फोट झाल्यामुळे अपघात झाल्यास हा विमा आर्थिक मदतीच्या स्वरूपात दिला जातो. ज्यासाठी ग्राहकाला कोणताही प्रीमियम भरावा लागत नाही.