लहान वयातच ‘या’ सवयींमुळे हाडे कमकुवत होऊ शकतात; आतापासूनच घ्या काळजी

१) भरपूर प्रथिनांचे सेवन

स्नायूंना निरोगी ठेवण्यासाठी आणि शरीराचे कार्य उत्तमरीत्या चालवण्यासाठी प्रथिनेयुक्त पदार्थांचे सेवन करणे अत्यंत आवश्यक मानले जाते. मात्र, जर तुम्ही प्रथिनांचे जास्त प्रमाणात सेवन केले तर त्यामुळे हाडांनाही नुकसान होऊ शकते. भरपूर प्रथिनेयुक्त पदार्थ खाल्ल्यास शरीराला जास्त प्रमाणात कॅल्शियम उत्सर्जित करावे लागते, ज्यामुळे हाडांना आवश्यक खनिज पुरेशा प्रमाणात मिळत नाही. कॅल्शियमच्या कमतरतेमुळे हाडे कमजोर होतात. त्यामुळे प्रथिनांचे सेवन करावे मात्र कमी प्रमाणात करावे. असे केल्याने तुमची हाडे देखील मजबूत राहतील.

आणखी वाचा

आक्षेपार्ह वक्तव्यामुळे वक्त्यासह आयोजकावर गुन्हा

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

“..तेव्हाच मंदिरातील माऊली प्रसन्न होईल” तरुणाची पाटी चर्चेत, VIDEO एकदा पाहाच

कल्याणमध्ये महिला पोलिसाला दिराकडून बेदम मारहाण

‘देवेंद्र फडणवीस पुन्हा मुख्यमंत्री?’, अमित शाहांच्या त्या विधानावर अजित पवारांचं मोठं विधान; म्हणाले, “निवडणूक झाल्यावर…”

कार्तिक आर्यन समोर अन् पोरगी पॉपकॉर्न खाण्यात बिझी, VIDEO पाहून म्हणाल असा अ‍ॅटिट्यूड हवा!

( हे ही वाचा: High Cholesterol: तुमच्या चेहऱ्यावर दिसून येतात उच्च कोलेस्टेरॉलची ‘ही’ लक्षणे; अजिबात दुर्लक्ष करू नका)

२) बैठी जीवनशैलीचे तोटे

बैठी जीवनशैली म्हणजे शारीरिक निष्क्रियतेमुळे देखील शरीरावर अनेक प्रकारचे दुष्परिणाम होऊ शकतात, हाडांची समस्या देखील त्यापैकी एक आहे. जास्त वेळ एकाच जागी बसण्याची किंवा घरात राहण्याची सवय तुमच्यासाठी समस्या वाढवू शकते. या सवयीमुळे शारीरिक निष्क्रियता तर वाढतेच पण सूर्यप्रकाशातील तुमचा संपर्कही कमी होतो. सूर्यप्रकाश हा व्हिटॅमिन डीचा चांगला स्रोत आहे, जो कॅल्शियम शोषण्यासाठी आवश्यक आहे. अशा परिस्थितीत घराबाहेर न पडण्याची सवय हाडांसाठी हानिकारक ठरू शकते. त्यासाठी घराबाहेर पडा. त्यामुळे तुमच्या शरीराची देखील हालचाल होईल आणि तुम्हाला हाडांची समस्या देखील उद्धभवणार नाही.

३) धूम्रपान आणि सोडियमचे जास्त सेवन

सोडियम उच्च रक्तदाबाचे घटक म्हणून ओळखले जाते, परंतु तुम्हाला माहित आहे का की यामुळे हाडांनाही नुकसान होते. सोडियमसोबतच धुम्रपानही हाडांसाठी हानिकारक मानले जाते. संशोधनानुसार, धूम्रपान करणाऱ्या महिलांमध्ये इस्ट्रोजेन हार्मोनचे उत्पादन कमी होते, ज्यामुळे अकाली रजोनिवृत्ती होऊ शकते. या स्थितीमुळे ऑस्टियोपोरोसिस सारख्या हाडांच्या विविध आजारांचा धोका वाढतो. त्यामुळे दैनंदिन जीवनात सोडियमचे जास्त सेवन करणे टाळा. तसच जास्त धूम्रपान देखील करू नका जेणेकरून तुमच्या हाडांवर त्याचा विपरीत परिणाम होणार नाही.

( हे ही वाचा: पावसाळ्यात घ्या पायांची खास काळजी, जाणून घ्या या ५ टिप्स)

हाडे निरोगी ठेवण्यासाठी काय करावे?

आरोग्य तज्ज्ञांच्या मते, सर्व वयोगटातील लोकांनी हाडे निरोगी ठेवण्यासाठी उपाय करत राहायला हवे. यासाठी निरोगी जीवनशैली आणि आहार पाळणे अत्यंत आवश्यक आहे.

• हिरव्या भाज्या खा.
• नियमितपणे योगाभ्यास करण्याची सवय लावा.
• कॅल्शियम आणि व्हिटॅमिन डी असलेले पदार्थ खा.
• मद्यपान आणि धूम्रपानामुळे हाडांचे नुकसान होते, त्यामुळे ते टाळा.
• हाडे निरोगी ठेवण्यासाठी सूर्यप्रकाशात जाण्याचा प्रयत्न करा.

(येथे देण्यात आलेली माहिती घरगुती उपचार आणि सामान्य माहितीवर आधारित आहे.)